నాకు ఆసక్తి లేదు: చట్వాల్

By Pratap

Published: Friday, April 1, 2011, 10:03 [IST]

భారత రాజకీయాలపై తనకు ఆసక్తి లేదని ప్రముఖ ఇండియన్ - అమెరికన్ హోటలీయర్ సంత్ సింగ్ చత్వాల్ అన్నారు. యుపిఎ ప్రభుత్వ విశ్వాస పరీక్ష సందర్భంగా ప్రధాని మన్మోహన్ సింగ్ చత్వాల్ ద్వారా అకాలీదళ్ మద్దతును పొందడానికి ప్రయత్నించారని వికీలీక్స్ బయటపెట్టింది. దీనిపై చత్వాల్ పై విధంగా అన్నారు. తాను అమెరికాలో జీవిస్తున్నానని, ఎక్కువ సమయం ఇక్కడే గడుపుతానని ఆయన అన్నారు. యుపిఎ ప్రభుత్వం విశ్వాస పరీక్ష నెగ్గడానికి తీవ్రంగా ప్రయత్నిస్తోందని సోనియా గాంధీ కుటుంబానికి అత్యంత సన్నిహితుడైన కెప్టెన్ సతీష్ శర్మ అమెరికా రాజకీయ కౌన్సెలర్‌తో చెప్పినట్లు వికీలీక్స్ బయటపెట్టింది.

సంత్ చత్వాల్, ఇతర ఫైనాన్షియర్ ద్వారా ఎనిమిది ఓట్లున్న అకాలీదళ్ యుపిఎ ప్రభుత్వాన్ని బలపరిచేలా ప్రధాని మన్మోహన్ సింగ్, తదితరులు ప్రయత్నాలు సాగిస్తున్నారని సతీష్ శర్మ చెప్పినట్లు వికీలీక్స్ తెలిపింది. తమకు సహాయం చేసినందుకే చత్వాల్‌కు పద్మ భూషన్ ఇచ్చినట్లు ఆరోపణలు వస్తున్నాయి.

Published On April 1, 2011