యుఏఈలో భారతీయ కుటుంబం ఆత్మహత్య

దుబాయ్: యునైటెడ్ అరబిక్ ఎమిరెట్స్‌లో మన దేశానికి చెందిన ఓ కుటుంబం ఆత్మహత్య చేసుకున్నట్టుగా తెలుస్తోంది. యుఏఈలోని రాజ్ ఆల్ ఖైమాలో ఓ భారతీయుడు, తన భార్య, కుమార్తెతో సహా ఆత్మహత్యకు పాల్పడ్డట్టు సమాచారం. రంజాన్ రోజునే వీరు ఆత్మహత్యకు పాల్పడ్డట్టు స్థానిక అరబిక్ దినపత్రిక తెలిపింది. స్థానికుల సమాచారంతో ఈ సంఘటన వెలుగులోకి వచ్చింది.

ఈ భారతీయ కుటుంబం నివసిస్తున్న ఇంటి దగ్గర నుండి దుర్వాసన రావడంతో స్థానికులు పోలీసులకు సమాచారం అందించారు. భార్యా, భర్తలు వేరు వేరు గదుల్లో ఉరేసుకొని చనిపోయినట్లుగా పోలీసులు గుర్తించారు. ఎనిమిదేళ్ల వారి కూతురు కూడా మరో గదిలో శవమై కనిపించింది. భర్త వయస్సు 44, భార్య వయస్సు 31 ఉంటుందని పోలీసులు అభిప్రాయపడుతున్నారు. అయితే వీరు ఆర్థిక సమస్యలతోనే బలవన్మరణానికి పాల్పడినట్లు పోలీసులు ప్రాథమికంగా నిర్ధారకణకు వచ్చినట్లు సమాచారం.