భారత సంతతి శాస్త్రవేత్తకు గౌరవం

భారత సంతతి శాస్త్రవేత్త వెంకట్రామన్ రామకృష్ణన్‌కు అరుదైన గౌరవం దక్కింది. మోలిక్యులార్ బయోలజీలో విశేష కృషికి గాను 2009లో నోబెల్ బహుమతి పొందిన ఆయనను రాయల్ ఎస్టాబ్లిష్‌మెంట్ నైట్‌హుడ్‌తో గౌరవించింది. బ్రిటన్‌లోని విదేశీయుల కృషికి ఈ గౌరవం దక్కడం విశేషం. 58 ఏళ్ల రామకృష్ణన్ వెంకీగా ప్రసిద్ధుడు. కేంబ్రిడ్జీలోని మోలిక్యులార్ బయోలజీ ఎంఆర్‌సి లాబొరేటరీలో పనిచేస్తున్నారు. మోలిక్యులార్ బయోలజీలో చేసిన విశేష కృషికి గాను 2012 నూతన సంవత్సరం సందర్భంగా సత్కారం పొందేవారి జాబితాలో ఆయన పేరు చోటు చేసుకుంది.

నైట్‌హుడ్‌తో తనను గౌరవించడం బ్రిటన్ సమాజానికి విదేశీయులు చేస్తున్న సేవలను తెలియజేస్తోందని వెంకీ అన్నారు. బ్రిటిష్ సమాజానికి వలస వచ్చినవారు అందిస్తున్న ఎన్నో సేవలకు ఈ అవార్డు మరో ఉదాహరణ అని ఆయన అన్నారు. మోలిక్యులార్ బయోలజీ లాబొరేటరీలో ఇమిగ్రెంట్స్ చాలా మంది ఉన్నారని, ఆధునిక జీవశాస్త్రాన్ని విప్లవకీరించడంలో వారు విశేష కృషి చేశారని ఆయన అన్నారు.

English summary

Venkatraman Ramakrishnan, India-born US citizen whose pioneering work in molecular biology won him the 2009 Nobel Prize in chemistry, has been honoured with a knighthood by the royal establishment here in a rare recognition of achievements by foreigners based in Britain.