టోరంటోలో భారత సంతతి విద్యార్థి హత్య

టోరంటోలో భారత సంతతి విద్యార్థి ఆండ్ర్యూ నాయుడును దుండగులు కాల్చి చంపారు. గత ఆదివారం అతనిపై కాల్పులు జరిగాయి. చికిత్స పొందుతూ అతను సోమవారం మరణించారు. ఈ ఏడాది అతి పిన్న వయస్సు వ్యక్తి హత్యకు గురి కావడం ఇదే ప్రథమం. అతను లేని లోటు పూడ్చడం సాధ్యం కాదని, ఆండ్ర్యూ తన కుటుంబాన్ని అమితంగా ప్రేమించేవాడని కుటుంబ సభ్యులు ఓ ప్రకటనలో చెప్పారు. హత్యకు గురైన విద్యార్థి వయస్సు 15 ఏళ్లు.

తాము అనుమానితుల కోసం గాలిస్తున్నామని, రెండో బాధితుడు కూడా ఉండి ఉంటాడని, కాల్పులు జరిగిన సమయంలో ఆండ్ర్యూ వెంట మరో వ్యక్తి ఉన్నాడని పోలీసులు అంటున్నారు. కనీసం అతను ప్రత్యక్ష సాక్షి అయినా అయి ఉంటాడని వారంటున్నారు. గత వారం భారత సంతతికి చెందిన వాటర్లూ యూనివర్శిటీ విద్యార్థి సరస్సులో పడిన మిత్రుడిని రక్షించబోయి మరణించాడు. అతను 21 ఏళ్ల ఇషాన్ శ్రీనివాసన్.

English summary

Fifteen-year-old Andrew Naidu was has been shot dead by unknown assailants in his west-end Toronto townhouse complex late Sunday night. He succumbed to his injuries early Monday.