డల్లాస్‌లో ఎన్నారైల సంగీత విభావరి

తెలుగు అసోసియేషన్‌, చిమట మ్యూజిక్‌, టాంటెక్స్‌ తెలుగు అసోసియేషన్‌ సంయుక్త ఆధ్వర్యంలో 'మళ్లీ మళ్లీ ఇది రానిరోజు - ట్రినిటీ కాన్సర్ట్‌' పేరుతో సంగీత విభావరి నిర్వహించారు. వందలాదిమంది సంగీతాభిమానులు కార్యక్రమంలో పాల్గొని పాత పాటలను ఆలపించారు. భారత్‌ నుంచి విచ్చేసిన గాయకుడు రాముతో కలిసి అమెరికాలోని ప్రముఖ గాయనీ గాయకులు శారద ఆకునూరి, దీపిక ఉప్పులూరి, నారాయణన్‌రాజులు తమ గాన మాధుర్యంతో ఆహూతులను అలరించారు. ఇదే వేదికపై ప్రముఖ గాయకుడు ఎస్పీ బాలసుబ్రహ్మణ్యం జన్మదిన వేడుకను ఘనంగా జరుపుకున్నారు.

సంగీత విభావరి నిర్వాహణలో జువ్వాడి రమణ, చిమట శ్రీనివాస్‌లు కీలక పాత్ర వహించారు. ఆటా మాజీ అధ్యక్షులు గవ్వా సంధ్య, హ్యూస్టన్‌ తెలుగు అసోసియేషన్‌ అధ్యక్షులు శారద ఆకునూరి, ఆటా సభ్యులు ముప్పిడి అరవింద్‌రెడ్డి, సతీష్‌రెడ్డి, తదితరులు పాల్గొన్నారు. ఈసందర్భంగా గాయకులు రాము, శారదను నిర్వాహకులు సత్కరించారు.

English summary

Telugu NRIs organised music pragramme in Dallas of USA. Several NRIs participated in this programs.