అన్నా హజారేకు ఫిలడెల్ఫియా ఎన్నారైల మద్దతు

By Pratap

Published: Monday, August 22, 2011, 14:18 [IST]

అవినీతికి వ్యతిరేకంగా సామాజిక కార్యకర్త అన్నా హజారే చేస్తున్న పోరాటానికి అమెరికాలోని ఫిలడెల్ఫియా ఎన్నారైలు మద్దతు ప్రకటించారు. పిఎ కింగ్ ఆఫ్ ప్రష్యాలోని బావర్చీ రెస్టారెంట్‌లో తెలుగు ఎననారైలు సమావేశమై ఈ నెల 18వ తేదీన కొవ్వొత్తుల ప్రదర్శన నిర్వహించారు. టిఎజిడివి కార్యదర్శి రవి పొట్లూరి, భారతదేశానికి చెందిన మాధవ మోసర్ల, దేవేందర్ రెడ్డి మాదాడి, రిగిధర్ రెడ్డి, నారాయణ రెడ్డి, ఆరుల్, రాజు నాయుడు, ప్రసాద్, సంతోష్, నిరంజన్, వరి మేరెడ్డి తదితరులు ఈ కార్యక్రమంలో పాల్గొన్నారు.

అన్నా హజారే దీక్ష కొనసాగిస్తున్న నేపథ్యంలో మరో కార్యక్రమానికి కూడా శ్రీకారం చుట్టినట్లు రవి మేరెడ్డి చెప్పారు. అన్నాజీకి మద్దతుగా చేతులు కలపాలని ఆయన ఎన్నారైలకు పిలుపునిచ్చారు. అన్నా హజారే డిమాండ్ చేస్తున్నట్లుగా పటిష్టమైన లోక్‌పాల్ బిల్లు తేవాలని ఎన్నారైలు కోరుతున్నారు.

Published On August 22, 2011