ఇండియన్ కిడ్స్ స్కూల్ లండన్‌లో బెస్ట్

ఎక్కువ మంది భారతీయ పిల్లలు, ఆసియా సంతతివారు చదుపుతున్న పాఠశాల లండన్‌లో ఉత్తమ పాఠశాలగా ఎంపికైంది. దేశంలోనే పరీక్షా ఫలితాల్లో ఉత్తమ ఫలితాలు సాధించింది. లండన్‌లోని హార్రోలో గల న్యూటన్ ఫామ్ స్కూల్ ఈ ఘనతను సాధించింది. టెస్టుల్లో అత్యధిక సగటు పాయింట్లను సాధించినట్లు సన్ పత్రిక రాసింది. ఈ పాఠశాలలో 75 శాతం మంది భారతీయులు, ఇతర ఆసియా దేశాలకు చెందిన మైనారిటీ జాతి గ్రూపులు ఈ పాఠశాలలో చదువుతున్నాయి. ఇందులోనూ తమిళ పిల్లలు ఎక్కువ మంది ఉన్నారు.

లెక్కలు, ఆంగ్లభాషల్లో 90 శాతానికి పైగా విద్యార్థులు ప్రమాణాలకు మించిన ఫలితాలు సాధించారు. ఈ పాఠశాలలో నాలుగు నుంచి 11 ఏళ్ల వయస్సు గల పిల్లలు 200 మంది చదువుతున్నారు. ఈ పాఠశాల మంచి విద్యను అందిస్తుందని, ఫౌండేషన్ గట్టిగా ఉంటుందని భారత సంతతికి చెందిన పాఠశాల హెడ్ టీచర్ రేఖా భకూ అన్నారు.

English summary

A primary school in Britain where the majority of students are of Indian and Asian origin has achieved the best exam results in the country.