కాలిఫోర్నియాలో ఉగాది ఉత్సవాలు

కాలిఫోర్నియా నార్వాక్‌లో దక్షిణాది కాలిఫోర్నియా తెలుగు సంఘం (టిఎఎస్‌సి) అధ్వర్యంలో ఈ నెల 9వ తేదీన ఉగాది ఉత్సవాలు ఘనంగా జరిగాయి. ఈ ఉత్సవాలకు దాదాపు 800 మంది తెలుగువారు హాజరయ్యారు. తెలుగు సంస్కృతి ఉట్టిపడేలా ఆడిటోరియాన్ని అలంకరించారు. టిఎఎస్‌సి కోశాధికారి సీతారాం పామిరెడ్డి సభ్యత్వ కార్డులను అందించారు. భోజనాల తర్వాత సాంస్కృతిక కార్యక్రమాలను అధ్యక్షుడు శ్రీకాంత్ రెడ్డి కోమటిరెడ్డి, ధర్మారెడ్డి గుమ్మడి, అనిల్ అర్రబెల్లి, నాగేశ్వర రావు అంకమ్మ ప్రారంభించారు. దాదాపు వంద కళాకారులు ప్రదర్సనలు ఇచ్చారు.

స్థానిక సింగర్ రోషిణితో పాటు ప్రముఖ గాయకుడు, సంగీత దర్శకుడు రఘు కుంచె సంగీత కచ్చేరీ అందరినీ ఆకట్టుకుంది. సంఘం అధ్యక్షుడు శ్రీకాంత్ రెడ్డి కోమటిరెడ్డి ఈవెంట్, గ్రాండ్ స్పాన్సర్ డాక్టర్ ప్రేమ్ సాగర్ రెడ్డిని సత్కరించారు. సంఘం కార్యదర్శి రమేష్ గట్టు అందరికీ కృతజ్ఞతలు చెప్పారు.

English summary

Telugu Association of Southern California (TASC) kicks off it’s 40th year festivities in grand style with Ugadi celebrations on April 9th,2011 at Excelsior Auditorium in Norwalk, California. It was a packed house with more than 800 people attending the Srikhara nama Ugadi Celebrations.