అమెరికాలో ఆంధ్ర ప్రొఫెసర్ మృతి

ఆంధ్రప్రదేశ్ కు చెందిన ఐటీ ప్రొఫెసర్ వీరభద్ర రావ్ (38) హ్యూస్టన్‌లో కన్నుమూశారు. గతకొంత కాలంగా క్యాన్సర్‌తో బాధపడుతున్న వీరభద్ర రావ్ హ్యూస్టన్‌లోని కిన్డర్డ్ ఆస్పత్రిలో చికిత్స పొందుతూ మార్చి ఆరవ తేదీన తుదిశ్వాస విడిచారు. తూర్పుగోదావరి జిల్లా గున్నెపల్లికి చెందిన వీర భద్రరావ్ హ్యూస్టన్‌లో ఐటీలో పనిచేస్తున్నారు. సమాచారం అందిన వెంటనే నాటా సేవా సంఘం సభ్యులు ఆయన మృతదేహాన్ని భారతదేశానికి పంపడానికి తగిన ఏర్పాట్లు చేస్తున్నారు.

హిందూ ఫ్యూనరల్ హోమ్ డైరెక్టర్ తో సంప్రదించి తక్కువ ధరలో ఏవిధంగా భౌతికకాయాన్ని భారతదేశానికి పంపాలన్న అంశంపై కుటుంబ సభ్యులకు మార్గనిర్దేశాలు చూపేలా ఒక ఏజెంట్‌ను ఏర్పాటు చేశారు. వీరభద్ర రావు మృతదేహన్ని భారత్ పంపించడానికి మరో రెండు మూడు రోజుల సమయం పట్టే అవకాశం ఉంది. ఆయనకు భార్య ఉన్నారు.

English summary

A professor, Veerabhadra Rao, from Andhra pradesh dead in USA.