చికాగో ఆటా డే, భారీ విరాళాలు

By Pratap

Published: Thursday, March 8, 2012, 11:31 [IST]

అమెరికా తెలుగు సంఘం (ఆటా) చికాగో డే ఈ నెల 3వ తేదీన ఇలినోయిస్‌లో జరిగింది. 12వ ఆటా సదస్సు నిర్వహణకు ఎన్నారైలు ఉదారంగా విరాళాలు అందించారు. ఆటా సదస్సు జులై 6 నుంచి 8వ తేదీ వరకు అట్లాంటాలో జురుగుతాయి. చికాగో ఆటా డే ఆటా ఎలెక్ట్ ప్రెసిడెంట్ కరుణాకర్ మాధవరం స్వాగతంతో ప్రారంభమైంది. దాతలకు డిన్నర్ ఏర్పాటు చేశారు. పాత, కొత్త సినీ గేయాల ఆలాపనతో ప్రతివాదితో కలిసి డిజె రవి తోకల అలరించారు. పాశ్చాత్య, బాలీవుడ్ సంగీతంతో పిల్లలు సాయంత్రాన్ని అలరించారు. తక్షణ మూవీ క్విజ్‌లు నిర్వహించారు. విజేతలకు బహుమతి ప్రదానం చేశారు. ఆబాలగోపాలాన్ని అలరించారు.

చికాగో ఏరియా నుంచి లక్ష డాలర్ల విరాళాలు సేకరించారు. దాతలకు, మద్దతుదారులకు ఆటా టీమ్ కృతజ్ఞతలు తెలిపారు. ఆటా ప్రెసిడెంట్ ఎలెక్ట్ కరుణాకర్ మాధవరం, ప్రాంతీయ ప్రతాప్ ఆర్ చింతలపాని, కోశాధికారి సత్య కందిమళ్ల, ఆటా ట్రస్టీ నరేంద్ర చెమర్ల, కమిటీ చైర్స్ కెఎస్ఎన్ రెడ్డి, చల్మా రెడ్డి, అమర్ నెట్టెం, ఆటా వ్యవస్థాపక సభ్యులు హన్మంత రెడ్డి, జిఎల్ఎన్ రెడ్డి, టిఎజిసి అధ్యక్షుడ కల్యాణ్ ఆనందుల, టిఎజిసి ప్రెసిడెంట్ ఎలెక్ట్ రమేష్ గారపాటి ఈ కార్యక్రమం విజయవంత కావడానికి విశేషంగా సహకరించారు.

Published On March 8, 2012