20న సిడ్నీలో బతుకమ్మ పండుగ

By Pratap

Published: Tuesday, October 16, 2012, 11:16 [IST]

సిడ్నీ: ఆస్ట్రేలియా తెలంగాణ ఫోరం ఆధ్వర్యంలో ఈ ఏడాది ఏప్రిల్ 15వ తేదీన జరిగిన తెలంగాణా వనభోజనాలకు హాజరయ్యి , మన తెలంగాణా సంస్కృతిని చాటుతూ, తెలంగాణా వంటలను అక్కడే వండుకొని తిని, ఆ తరువాత జరిగిన ఆటలలో మన తెలంగాణ అన్నదమ్ములు ఐక్యతను చాటారు. ఎన్నడూ లేని విధంగా ఈసారి అక్కాచెల్లెళ్లు మొట్ట మొదటగా వురుకలేసే ఉత్సాహంతో కోకో, రన్నింగ్ రేసులలో పాల్గొనడం చెప్పుకో దగ్గ విశేషం. ఆ తర్వాత సెప్టెంబర్ 22న జరిగిన గణేష్ ఉత్సవాల్లో తెలంగాణా సాంస్కృతిక కార్యక్రమాలలో ఆడి, పాడి ఆనందించిన రోజులు మరవక ముందే , మళ్లీ అదే ఉత్సాహంతో ఈ బతుకమ్మ పండుగ జరుపుకోవడానికి సిద్ధమవుతున్నారు.

సిడ్నీలోని తెలంగాణ , తెలంగాణేతర సోదర సోదరీమణులు భాష, ప్రాంతీయ భేదాలు పక్కన పెట్టి, ఎంతో ఉత్సాహంతో ముందుకు వచ్చి ఈ బతుకమ్మ పండుగ జరుపుకోవడానికి చూపిస్తున్న చొరవ, సిడ్నీ బతుకమ్మ చరిత్రలో ఒక కొత్త అధ్యాయాన్ని తెరవనుందని ఆస్ట్రేలియా తెలంగాణ ఫోరం ప్రతినిధి వినోద్ ఏలేటి ఓ ప్రకటనలో తెలిపారు.

అక్టోబర్ 20వ తేదీన సరిగ్గా మధ్యాహ్నం 12 గంటలకు ఉత్సవాలు ప్రారంభమంవుతాయని ఆయన చెప్పారు. బతుకమ్మ, కోలాటాలకి ఎక్కువ సమయం కేటాయించే విధంగా సమయానికి రావాలని ఆయన తెలుగు ఎన్నారైలను కోరారు.

తెలంగాణ సంస్కృతిని ప్రపంచానికి తెలిచేయడంలో జరుగుతున్న ఈ ప్రయత్నంలో కదలి వస్తున్న ప్రతి ఒక్కరికి పేరు పేరున ఆయన కృతజ్ఞతలు తెలిపారుయ ఇదే విధంగా ఇక ముందు జరగ బోయే అన్ని తమ ఫోరం కార్యక్రమాలకి హాజరై తెలంగాణా ప్రజల కనీస హక్కులు, అవసరాలను గుర్తిస్తూ, వాటికి భంగం కలిగే ఎలాంటి చర్యనైనా కలసికట్టుగా ఎదిరింఛి తెలంగాణా ప్రజల పక్షంలో నిలవడానికి, తెలంగాణా సంస్కృతిని కాపాడే ప్రయత్నానికి మరియు తెలంగాణ రాష్ట్ర సాధన లో అందరూ కలసి రావాలని ఆయన ఆశించారు.

Published On October 16, 2012