ఇండియన్ డయాస్పోరాతో మోడీ

చికాగో: గుజరాత్ ముఖ్యమంత్రి నరేంద్ర మోడీ ఈ నెల 10వ తేదీన ఇండియన్ డయాస్పోరాను ఉద్దేశించి ప్రసంగించారు. వీడియో కాన్ఫరెన్స్ ద్వారా ఆయన తన ప్రసంగాన్ని వినిపిస్తారు. చికాగో, న్యూజెర్సీకి చెందిన బిజెపి మిత్రులను ఉద్దేశించి ఆయన మాట్లాడారు. అమెరికా, కెనడాలకు చెందిన ప్రవాస భారతీయులు నరేంద్ర మోడీతో మాట్లాడవచ్చు.

కమ్యూనిటీ అవుట్రీచ్‌లో భాగంగా భారత కాలమానం ప్రకారం ఆదివారం పదో తేదీ ఉదయం ఆరున్నర గంటలకు నరేంద్ర మోడీ ప్రసంగిస్తారు. కమ్యూనిటీ అవుట్రీచ్ కార్యక్రమం చికాగోలోనూ న్యూజెర్సీలోనూ ఉంటుందని బిజెపి ఓవర్సీస్ మిత్రుల అధ్యక్షుడు జయేష్ పటేల్ ఓ ప్రకటనలో చెప్పారు.

ఒకేసారి రెండు చోట్ల జరిగే కమ్యూనిటీ అవుట్రీచ్ కార్యక్రమానికి పెద్ద యెత్తున ఎన్నారైలు హాజరవుతారని భావిస్తున్నారు. టీవీ ఆసియా ఆ కార్యక్రమాన్ని ప్రత్యక్ష ప్రసారం చేస్తుంది. నాలుగో విడత గుజరాత్ ముఖ్యమంత్రిగా ఎన్నికైన నరేంద్ర మోడీ భారతదేశానికి సంబంధించి నిర్ణయాత్మక, దార్శనిక, భయరహిత నాయకుడని ఆ ప్రకటనలో అన్నారు. గుజరాత్ సర్వతోముఖాభివృద్ధి జాతీయస్థాయిలోనే కాకుండా అంతర్జాతీయ స్థాయిలో కూడా ప్రశంసలు అందుకుంటోందని జయేష్ పటేల్ అన్నారు.

ఈ కార్యక్రమాన్ని విజయ్ జోలీ (బిజెపి ఓవర్సీస్ వ్యవహారాల ఇంచార్జీ), బిజెపి ఓవర్సీస్ మిత్రుల ప్రెసిడెంట్ ఎలెక్ట్ చంద్రకాంత్ పటేల్, సమీప మాజీ అధ్యక్షుడు అడప ప్రసాద్ తదితరులు ఈ కార్యక్రమాన్ని ఏర్పాటు చేశారు. ఈ కార్యక్రమం వెబ్‌సైట్‌లో కూడా ప్రత్యక్ష ప్రసారం ద్వారా చూడవచ్చు.

English summary

On the morning of Sunday 10th March 2013 at 6:30 AM (IST) Shri Narendra Modi will address the Indian diaspora in a Community Outreach Programme organized by the Overseas Friends of BJP. Talking about the programme, Shri Jayesh Patel, President of the Overseas Friends of BJP pointed that the Community Outreach Programme will be held in Chicago and New Jersey.