యుకెలో తెలుగు ఉగాది వేడుకలు

By Pratap

| Updated: Monday, April 1, 2013, 16:53 [IST]

లండన్: యునైటెడ్ కింగ్‌డమ్‌లోని బౌర్నెమౌత్‌లో తెలుగువాళ్లు ఉగాది సంబరాలను ఇటీవల ఉత్సాహపూరిత వాతావరణంలో జరుపుకున్నారు. యుకెలోని బౌర్నెమౌత్ తెలుగు సంఘం ఆధ్వర్యంలో రాబోతున్న తెలుగువాళ్ల నూతన సంవత్సరాది ఉగాది వేడుకలు జరిగాయి. ఈ ఉత్సవాలకు దాదాపు 75 మంది ఎన్నారైలు హాజరయ్యారు. తొలిసారిగా ఇక్కడ ఆ ఉగాది ఉత్సవాలు జరిగాయి.

ఈ కార్యక్రమంలో భాగంగా చిన్నపిల్లలకు వివిధ తెలుగు సాంస్కృతిక కార్యక్రమాలు జరిగాయి. పిల్లలకు ఆటల పోటీలు, పెద్దలకు తెలుగు భాషా పరిజ్ఞానంపై క్విజ్ జరిగాయి. అదే సమయంలో తెలుగు బాషకు సంబంధించిన కార్యక్రమాలు కూడా నిర్వహించారు.

ఈ కార్యక్రమ నిర్వాహకులుగా శ్రీధర్ రెడ్డి అంబటి, శ్రీనివాస్ రెడ్డి కాటిపెల్లి, వేణు గౌరబత్తిని, వేణు ఇందుకూరి, చింతలపాటి భాను, అప్పారి మనోహర్, ముగుళ్ల సుబ్బారావు, రాజేష్ ఎన్, సురేష్ తదితరులు వ్యవహరించారు.

తెలుగు సంవత్సరాది ఉగాది ఈ నెల 11వ తేదీన వస్తోంది. ఉగాది వేడుకలను తెలుగువారు ఆనందోత్సాహాల మధ్య నిర్వహించుకుంటారు. యుకెలోని తెలుగువాళ్లు ఆ తెలుగు సంస్కృతిని మరిచిపోకుండా ఉగాది నిర్వహించుకున్నారు.