బహ్రెయిన్‌లో ఇండియన్‌కు జైలు

దుబాయ్: బహ్రెయిన్‌లో ఓ భారతీయుడికి జైలు శిక్ష పడింది. బహ్రెయిన్‌లో నిషేదిత పార్టీ డ్రగ్స్ విక్రయించినందుకు గాను 41 ఏల్ల భారత మేనేజర్‌కు కోర్టు ఐదేళ్ల జైలు శిక్ష విధించింది. ఈ మేరకు మీడియాలో వార్తలు వచ్చాయి.

భారతీయుడితో పాటు 37 ఏళ్ల వయస్సు గల శ్రీలంక డ్రైవర్‌కు కూడా బహ్రెయిన్ హై క్రిమినల్ కోర్టు జైలు శిక్ష విధించింది. మెథాంఫైటామైన్‌ను విక్రయించినందుకు గాను వారికి జైలు పడినట్లు గల్ఫ్ డైలీ వార్తాకథనం తెలియజేస్తోంది.

ఇద్దరు నిందితులకు కూడా 3 వేల బహ్రెయినీ దీనార్ల జరిమానా విధించింది. దాని విలువ దాదాపు 7,960 డాలర్లు ఉంటుంది.

కాగా, బహ్రెయిన్‌కు చెందిన 34 ఏళ్ల వ్యక్తికి కూడా కోర్టు జైలు శిక్ష విధించింది. ప్రిస్క్రైబ్డ్ పిల్స్, హెరాయిన్ వాడినందుకు, కలిగి ఉన్నందుకు కోర్టు అతనికి రెండేళ్ల జైలు శిక్ష విధించింది.

English summary

A 41-year-old Indian manager has been jailed for five years and fined for selling banned party drug in Bahrain, a media report said on Monday.