వివాహేతర సంబంధం: భార్య, కొడుకును కాల్చిచంపాడు

రియాద్: సౌదీ అరేబియాలోని రియాద్‌లో దారుణం జరిగింది. తన వివాహేతర సంబంధం విషయం తన భార్యకు తెలిసిందని ఆమెను, కుమారుడ్ని కాల్చి చంపాడు ఓ దుర్మార్గుడు. ఆదివారం మహిళ, చిన్నారి మృతదేహాలను రియాద్‌లోని వారింట్లో పోలీసులు గుర్తించినట్లు అక్కడి మీడియా వార్తలను ప్రచురితం చేసింది.

నిందితుడు తన నేరాన్ని అంగీకరించినట్లు పోలీసులు తెలిపారు. తమ ఇంటి ఆవరణలోనే ఉంటున్న మరో మహిళతో తనకు వివాహేతర సంబంధం ఉందనే విషయం తన భార్యకు తెలియడంతో ఆమెను, తన ఐదేళ్ల కుమారుడ్ని హత్య చేసినట్లు నిందితుడు పోలీసులు ఎదుట అంగీకరించాడు.

హత్యకు సంబంధించిన ఆధారాలను లేకుండా చేయాలనే ఉద్దేశంతో మృతదేహాలను ఇంట్లో ఉంచి ఇంటికి నిప్పంటించాడు.

నిందితుడ్ని అరెస్ట్ చేసినట్లు రియాద్ పోలీస్ అధికార ప్రతినిధి ఫయాజ్ ఆల్ మైమన్ తెలిపారు. తదుపరి విచారణ కొనసాగిస్తున్నట్లు చెప్పారు.

English summary

An Indian man here allegedly burnt to death his wife and five-year-old child after the woman got to know of her husband's extramarital affair, Saudi media reported today.