డల్లాస్లో కన్నుల పండువగా 'శ్రీవారి కళ్యాణం'
డల్లాస్: టెక్సాస్లోని డల్లాస్ నగరంలో శ్రీ వెంకటేశ్వర స్వామి వారి కళ్యాణం కన్నుల పండువగా జరిగింది. ఈ కళ్యాణానికి డల్లాస్ మెట్రోప్లెక్స్ వేదకైంది. శ్రీనివాసుని కళ్యాణం వేడుకకు సుమారు 10,000 మంది భక్తులు హాజరయ్యారు.
డల్లాస్లోని మెట్రో కాంప్లెక్స్లో పెద్ద పెద్ద ఈవెంట్స్ జరుగుతుంటాయి. ఈసారి స్వామి వారి కళ్యాణానికి ఈ కాంప్లెక్స్ ఆతిథ్యమిచ్చింది. ఉదయం 7 గంటల నుంచే రాష్ట్రం నలుమూలల నుంచి పెద్ద సంఖ్యలో భక్తులు ఈ కార్యక్రమంలో పాల్గొన్నారు.
స్వామివారి కళ్యాణ కార్యక్రమంలో సుప్రభాత సేవ, వసంతోత్సవం, అర్చనలను నిర్వహించారు. తిరుమలలో ఎలాగైతే స్వామి వారి కళ్యాణం జరుగుతుందో అదే విధంగా అర్చకులు ఈ తంతు నిర్వహించారు. ఈ కార్యక్రమాన్ని ఇంత ఘనంగా నిర్వహించడానికి 30 రోజుల పాటు వాలంటీర్స్ కష్టపడ్డారు.
డల్లాస్లో జరిగిన ఈ కార్యక్రమంలో స్వామివారి సుప్రభాత సేవలో తిరుమల తిరుపతి దేవస్దానం జేఈఓ పోలా భాస్కర్, బోర్డు మెంబర్లు ఏవీ రమణ, చీఫ్ విజిలెన్స్ అండ్ సెక్యూరిటీ ఆఫీసర్ నాగేంద్ర కుమార్ తదితరులు హాజరయ్యారు.
తులసి నీరుతో స్వామి వారికి వసంతోత్సవం, అర్చన సేవా కార్యక్రమాలను నిర్వహించారు. టీటీడీ ఛైర్మన్ శ్రీ చదవలవాడ కృష్ణమూర్తి వచ్చిన తర్వాత స్వామి వారి కళ్యాణాన్ని ప్రారంభించారు. దీంతో డల్లాస్లోని మెట్రో కాంప్లెక్స్ మొత్తం భక్తుల గోవింద నామ స్మరణలతో మారుమ్రోగిపోయింది.
స్వామి వారి కళ్యాణంలో కొన్ని జంటలు పాల్గొన్నాయి. సుమారు 300 మంది వాలంటీర్లు ఈ కార్యక్రమాన్ని జయప్రదం చేయడంలో తమ వంతు కృషి చేశారు. డల్లాస్ మెట్రోప్లెక్స్ మేయర్ మహార్ మాసో ఈ కార్యక్రమానికి హాజరై జులై 12ని 'శ్రీనివాస కళ్యాణం డే' గా ప్రకటించారు.
ఈ కార్యక్రమాన్ని విజయవంతం చేయడంలో సత్యనారాయణ పులిపాక, గోపాల్ పొన్నంగి, రవి ఆకుల, విజయ్ తోడుపొన్నూరి, ఆర్కే పండిటి, శ్రీనివాస్ కొంగర, శ్యామా రుముల్లా, వెంకట్ నార్పల, రావు కలవల, మహేష్ అభిభట్ల, కెసి చెరుకూరి, రంగారావు, శ్రీనివాస్ పమిడిముక్కల ముఖ్య భూమిక పోషించారు. తానా ఎగ్జిక్యూటివ్ వీపీ సతీష్ వేమన ఈ కార్యక్రమంలో పాల్గొన్నారు.
Click it and Unblock the Notifications
Sign in with Google