NRI News: ఎయిర్ పోర్టులో దిగగానే ఎన్నారై అరెస్ట్..!
సింగపూర్లో స్థిరపడిన ఒక ప్రవాస భారతీయుడిని ఆజాద్ మైదాన్ పోలీసులు అరెస్టు చేశారు. ఒక నగర వ్యాపారి సిమెంట్ను సరఫరా చేయడం ద్వారా రూ.3.5 కోట్ల వరకు మోసం చేశాడని అతన్ని అరెస్ట్ చేశారు. 2019 నుంచి పరారీలో ఉన్న నిందితుడిని మంగళవారం అహ్మదాబాద్ విమానాశ్రయంలో దిగినప్పుడు అరెస్టు చేశారు. అతని పేరుపై ఆజాద్ మైదాన్ పోలీసులు జారీ చేసిన లుకౌట్ సర్క్యులర్ ఉంది.
నిందితుడిని సింగపూర్ నివాసి హేమ్ ప్రభాకర్ షా (55)గా గుర్తించారు. ప్రభాకర్ షా ఫెర్రస్, నాన్-ఫెర్రస్ లోహాల వ్యాపారం చేసే వ్యాపారి. చర్చిగేట్ నివాసి శరద్ కుమార్ కేజ్రీవాల్ (40) ఇచ్చిన ఫిర్యాదు మేరకు నిందితులపై కేసు నమోదు చేసినట్లు ఆజాద్ మైదాన్ పోలీసులు తెలిపారు. AP ట్రేడింగ్ కంపెనీ ఫిబ్రవరి 2019, జూన్ 2019 మధ్య షా ద్వారా రెండు కంపెనీల నుంచి ఇత్తడి మరియు రాగిని ఆర్డర్ చేసింది.
దీనికి గానూ రూ.3.5 కోట్లు చెల్లించారు. కానీ అతను లోహాలకు బదులుగా సిమెంట్ బస్తాలను డెలివరీ చేశాడు. దీంతో అతనిపై ఇండియన్ పీనల్ కోడ్ సెక్షన్ 420 (చీటింగ్) మరియు 34 (సాధారణ ఉద్దేశ్యం) కింద కేసు నమోదు చేశారు. నిందితుడి కోసం 2019 నుంచి వెతుకుతున్నారు. కేసు గురించి ఎవరు పట్టించుకోవడంలేదని భావించిన షా అహ్మదాబాద్ విమానాశ్రయం ద్వారా భారతదేశంలోకి ప్రవేశించడానికి ప్రయత్నించినప్పుడు పోలీసులు అరెస్ట్ చేశారు.
ఎయిర్ పోర్ట్ లో దిగగానే విమానాశ్రయ అధికారులు అదుపులోకి తీసుకుని పోలీసులకు అప్పగించారు. ప్రభాకర్ షా పై లుకౌట్ నోటీసు ఉండడంతో విమానాశ్రయ అధికారులు అదుపులోకి తీసుకున్నారు. కోర్టు అనుమతితో పోలీసులు షాను విచారించనున్నారు. తన క్లయింట్ కేవలం మధ్యవర్తి మాత్రమేనని, పార్టీలను మాత్రమే పరిచయం చేశాడని, మోసంతో ఎలాంటి సంబంధం లేదని నిందితుడి తరఫు న్యాయవాది కోర్టుకు తెలిపారు. ఇరువర్గాల వాదనలు విన్న కోర్టు షాను మూడు రోజుల పాటు పోలీసు కస్టడీకి అప్పగించింది.
Click it and Unblock the Notifications
Sign in with Google