NRI News: భర్తను చంపిన భార్యకు ఉరిశిక్ష విధించిన కోర్టు..

స్నేహితుడు సహాయంతో భర్తను హత్య చేసిన భార్యకు ఉత్తరప్రదేశ్‌లోని షాజహాన్‌పూర్‌లోని ఓ కోర్టు మరణ శిక్ష విధిచింది. బ్రిటిష్ పౌరురాలు రమణదీప్ కౌర్‌ తన్న ఎన్నారై భర్తను ఏడేళ్ల క్రితం స్నేహితుడితో హత్య చేసింది. కేసును విచారించిన న్యాయస్థానం కౌర్ కు మరణశిక్ష విధించడంతో.. హత్యకు సహకరించిన ఆమె స్నేహితుడు గురుప్రీత్‌కు జీవిత ఖైదుతోపాటు రూ.3 లక్షల జరిమానా విధించింది.

సుఖ్‌జీత్ సింగ్ (34) తన కుమారులు అర్జున్, ఆర్యన్‌లతో కలిసి నిద్రిస్తున్న సమయంలో కౌర్, గురుప్రీత్‌లు హత్య చేశారని అదనపు జిల్లా ప్రభుత్వ న్యాయవాది శ్రీ పాల్ వర్మ శనివారం తెలిపారు. తన తల్లి సుఖ్‌జీత్‌ను దిండుతో పొట్టనపెట్టుకుందని, ఆపై గుర్‌ప్రీత్ తలపై సుత్తితో కొట్టాడని అర్జున్ విచారణ సందర్భంగా కోర్టుకు తెలిపాడు. ఆ తర్వాత గురుప్రీత్ తన జేబులోంచి కత్తి తీసి కౌర్‌కి ఇచ్చాడని, ఆమె భర్త గొంతు కోసిందని అర్జున్ పేర్కొన్నాడు.

సుఖ్‌జీత్, అతని భార్య కుమారులు అర్జున్ ఆర్యన్ ఆగస్టు 2016లో షాజహాన్‌పూర్‌లోని స్వస్థలాన్ని సందర్శించడానికి ఇండియాకు వచ్చారని ప్రాసిక్యూషన్ తెలిపింది. పంజాబ్‌కు చెందిన గురుప్రీత్ కూడా వారితో పాటు ఉన్నాడని పేర్కొంది. సెప్టెంబర్ 2, 2016న ఇంట్లో సుఖ్‌జీత్ హత్యకు గురయ్యాడు. కౌర్‌ను పర్యవేక్షించేందుకు ఇద్దరు మహిళా ఖైదీలు, ఒక మహిళా కానిస్టేబుల్‌ని నియమించినట్లు షాజహాన్‌పూర్ జిల్లా జైలు సూపరింటెండెంట్ మిజాజీ లాల్ ఆదివారం తెలిపారు.

ఎందుకు హత్య చేశావని ఆమెను అడిగినప్పుడు, కౌర్ తన భర్త తన మొత్తం ఆస్తిని విక్రయించి ఇంగ్లాండ్‌కు వెళ్లాలనుకున్నాడని, అందుకే అతని కుటుంబ సభ్యులు అతన్ని చంపి తప్పుగా ఇరికించారని ఆరోపించింది. ఆమె నిర్దోషి అని, ఉరిశిక్షపై అప్పీల్ చేస్తానని కౌర్ తరఫు న్యాయవాది చెప్పారు."నేను ఉపశమనం పొందాను. నా ప్రార్థనలు ఫలించాయి. కోర్టు నుంచి నేను ఆశించినది పొందాను. రమణదీప్‌కి ఉరిశిక్ష విధించాలని నేను డిమాండ్ చేస్తున్నాను" అని సుఖ్‌జీత్ తల్లి వంశజీత్ కౌర్ అన్నారు.

English summary

A court in Uttar Pradesh's Shahjahanpur sentenced a wife to death for killing her husband with the help of a friend. British citizen Ramandeep Kaur killed her NRI husband seven years ago with a friend.