కూతురిని రెండేళ్ల పాటు రేప్ చేసిన తండ్రి పరారీ

హైదరాబాద్: రంగారెడ్డి జిల్లాలో దిగ్భ్రాంతికరమైన సంఘటన చోటు చేసుకుంది. రెండేళ్ల పాటు తన తండ్రి తనపై అత్యాచారానికి పాల్పడుతున్నాడని పదహారేళ్ల అమ్మాయి రంగారెడ్డి జిల్లాలోని కుల్కచర్ల పోలీసులకు మంగళవారం ఫిర్యాదు చేసింది. అమ్మాయి ఫిర్యాదు మేరకు పోలీసులు అత్యాచారం కేసు నమోదు చేసి, నిందితుడి కోసం గాలిస్తున్నారు.

48 ఏళ్ల వయస్సు గల నిందితుడు రంగారెడ్డి జిల్లా కుల్కచర్లకు చెందినవాడు. నిందితుడి రెండో కూతురైన బాధితురాలు తన తల్లితో కలిసి వచ్చి పోలీసులకు మంగళవారండు ఫిర్యాదు చేసింది. గత రెండేళ్లుగా తన తండ్రి తనపై లైంగిక దోపిడీకి పాల్పడుతున్నాడని ఆ అమ్మాయి ఫిర్యాదు చేసింది.

అతను సోమవారం అమ్మాయిపై అత్యాచారం జరిపినట్లు, బాధితురాలు ఆ విషయాన్న తన అక్కకు చెప్పిందని, అక్క ఆ విషయాన్ని తల్లికి చెప్పిందని పోలీసులు అంటున్నారు. తనపై అత్యాచారం చేసిన విషయాన్ని బయటపెడితే చంపేస్తానని బాధితురాలు ఫిర్యాదులో చెప్పింది.

వైద్య పరీక్షల నిమిత్తం బాధితురాలిని తాండూరు ప్రభుత్వ ఆస్పత్రికి తరలించారు. అత్యాచారం కింద కేసు నమోదు చేసి నిందితుడి కోసం పోలీసులు గాలిస్తున్నారు.

English summary

In a shocking incident, a 16-year-old girl approached Kulkacherla police on Tuesday alleging that her father has been sexually assaulting her since past two years.