ఆపిల్ అదిరిపోయే ఆఫర్.. ఫ్రీగా AirPods, Apple Pencil !!

ప్రముఖ టెక్ దిగ్గజం ఆపిల్ సంస్థ అదిరిపోయే ఆఫర్ తీసుకొచ్చింది. ఇప్పటికే స్కూళ్లు, కాలేజీలు ప్రారంభమైన తరుణంలో తమ వార్షిక "Back to School" సేల్ ను ప్రారంభించింది. ఈ ప్రత్యేక ఆఫర్‌లో భాగంగా ఎంపిక చేసిన MacBook, iPad మోడళ్లపై స్టూడెంట్ డిస్కౌంట్లతో పాటు AirPods 4, Apple Pencil Pro, AirTags వంటి యాక్సెసరీలను కూడా ఉచితంగా పొందే అవకాశం కల్పిస్తోంది. ఈ స్పెషల్ సేల్ ఆగస్టు 27, 2026 వరకు కొనసాగనుండగా.. కాలేజీ విద్యార్థులు, వారి తల్లిదండ్రులు.. అలాగే విద్యాసంస్థల్లో పనిచేసే బోధనా సిబ్బంది ఈ ఆఫర్లను సద్వినియోగం చేసుకోవచ్చు.

MacBook Air M5పై ప్రత్యేక ఆఫర్

M5 చిప్‌తో కూడిన MacBook Air (2026) విద్యార్థులకు రూ.1,37,900 ప్రారంభ ధరకు అందుబాటులో ఉంది. అదనంగా, AirPods 4 లేదా 4 AirTags ప్యాక్ వాటిలో ఏదో ఒకటి ఉచితంగా పొందవచ్చు. అలాగే, రూ.5,000 అదనంగా చెల్లించి AirPods 4 (ANC) పొందవచ్చు. రూ.13,000 చెల్లించి AirPods Pro 3కి అప్‌గ్రేడ్ చేసుకునే అవకాశం ఉంది. MacBook Pro M5 సిరీస్‌పై కూడా డిస్కౌంట్ లభిస్తుంది.

MacBook Pro లపై స్పెషల్ ఆఫర్..

MacBook Pro M5 (2025) - రూ.2,27,900
MacBook Pro M5 Pro (2026) - రూ.2,81,900
MacBook Pro M5 Max (2026) - రూ.4,62,900

ఈ మోడళ్ల కొనుగోలుపై కూడా AirPods 4 లేదా AirTags ప్యాక్ ఉచితంగా అందిస్తున్నారు. అదనపు చెల్లింపుతో AirPods 4 ANC లేదా AirPods Pro 3ను ఎంచుకోవచ్చు.

iPad Air, iPad Proపై ఆఫర్లు

iPad Air (2025) (M4 చిప్‌తో) - ప్రారంభ ధర: రూ.83,900

iPad Pro (2025) - ప్రారంభ ధర: రూ.1,27,900

ఈ రెండు మోడళ్ల కొనుగోలుపై Apple Pencil Proను ఉచితంగా అందిస్తున్నారు. అదనంగా వినియోగదారులు.. రూ.2,000కు AirTags ప్యాక్, రూ.2,000కు AirPods 4 రూ.7,000కు AirPods 4 (ANC), రూ.15,000కు AirPods Pro 3 వంటి ఎంపికలను కూడా పొందవచ్చు.

MacBook Neoపై రూ.10,000 తగ్గింపు

ఇటీవల ఆపిల్ విడుదల చేసిన MacBook Neo కూడా ఈ సేల్‌లో ప్రత్యేక ధరలకు అందుబాటులో ఉంది.

256GB స్టోరేజ్ మోడల్ - రూ.69,900

512GB స్టోరేజ్ (Touch IDతో) - రూ.79,900

ఈ రెండు మోడళ్లపై రూ.10,000 ఫ్లాట్ డిస్కౌంట్ లభిస్తోంది. MacBook Neoలో Apple Silicon A18 Pro చిప్‌సెట్‌ను అందించారు.

English summary

Tech giant Apple has launched its annual "Back to School" sale, just as schools and colleges are starting back up.