రెండు కొత్త ఫోన్స్ లాంఛ్ చేసిన "పోకో".. ఫీచర్స్ నెక్స్ట్ లెవెల్ !!

Published: Thursday, November 27, 2025, 14:54 [IST]

కొత్త కొత్త ఫీచర్లతో తక్కువ ధరకే స్మార్ట్‌ ఫోన్‌ల కంపెనీలు వినియోగదారులను ఆకట్టుకునేందుకు 5జీ ఫోన్ లను లాంఛ్ చేస్తున్నాయి. ఈ క్రమంలోనే "పోకో" భారత్ లో స్మార్ట్ ఫోన్ బ్రాండ్ లలో తమకంటూ ప్రత్యేక గుర్తింపు తెచ్చుకుంది. మారుతున్న టెక్నాలజీకి అనుగుణంగా స్మార్ట్ ఫోన్ బ్రాండ్ POCO కస్టమర్ల కోసం ఎప్పటికప్పుడు నూతన సిరీస్ లతో మార్కెట్ ను పెంచుకుంటూనే ఉంటుంది. లేటెస్ట్ గా స్మార్ట్‌ఫోన్‌ మార్కెట్లో పోకో మరోసారి హైప్‌ను క్రియేట్ చేస్తోంది. దీర్ఘకాలం ఎదురు చూపులకు తెరదిస్తూ తమ సరికొత్త ప్రీమియం సిరీస్ Poco F8‌ను ప్రపంచవ్యాప్తంగా అధికారికంగా విడుదల చేసింది.

ధరలు..

ఈ సిరీస్‌లో Poco F8 Ultra, Poco F8 Pro అనే రెండు మోడళ్లను అందుబాటులోకి తీసుకొచ్చింది. అత్యాధునిక ప్రాసెసర్లు, అద్భుతమైన కెమెరాలు, భారీ బ్యాటరీలు, అగ్రశ్రేణి డిస్‌ ప్లేలు ఈ సిరీస్‌ను ప్రీమియం సెగ్మెంట్‌లో గట్టి పోటీదారులుగా నిలబెడుతున్నాయి. Poco F8 అల్ట్రా ధర 12GB + 256GB వేరియంట్‌కు $729 (సుమారు ₹65,100) నుంచి ప్రారంభమవుతుంది. 16GB + 512GB మోడల్ ధర $799 (సుమారు ₹71,300). తొలి ఆఫర్‌లో భాగంగా 12GB + 256GB వేరియంట్ $679 (సుమారు ₹60,600), 16GB + 512GB మోడల్ $729 (సుమారు ₹65,100)కి లభించనున్నాయి.

poco-newly-launches-f8-ultra-and-f8-pro-and-specifications-details

అలానే Poco F8 Pro ధర 12GB + 256GB వేరియంట్‌కు $579 (సుమారు ₹51,700), 12GB + 512GB మోడల్‌కు $629 (సుమారు ₹56,100) గా నిర్ణయించింది. తొలి ఆఫర్‌లో 12GB + 256GB వేరియంట్‌ $529 (సుమారు ₹47,200).. 12GB + 512GB మోడల్‌ $579 (సుమారు ₹51,700)గా తగ్గింపునకు పొందవచ్చు. మొదటి ఆరు నెలల్లో ఒకసారి ఉచితంగా స్క్రీన్ రీప్లేస్‌మెంట్ సౌకర్యం కూడా ఉంది.