Asia Cup 2025: బిగ్ అప్ డేట్: భారత్- పాక్ మ్యాచ్ లు ఉండవా?
క్రికెట్ ప్రేమికులు ఎప్పుడెప్పుడా అంటూ ఎదురు చూస్తోన్న ఆసియా కప్ 2025 షెడ్యూల్ వెలువడింది. ఈ ఏడాది సెప్టెంబర్ 9వ తేదీన తొలి మ్యాచ్ ఆరంభం కానుంది. 28వ తేదీన ఫైనల్. యునైటెడ్ అరబ్ ఎమిరేట్స్.. ఈ ప్రతిష్ఠాత్మక టోర్నమెంట్ కు ఆతిథ్యాన్ని ఇవ్వబోతోంది.
ఈ విషయాన్ని ఆసియా క్రికెట్ కౌన్సిల్ వెల్లడించింది. ఆసియా కప్ 2025 షెడ్యూల్ ను ఖరారు చేయడానికి ఢాకాలో సమావేశమైంది ఆసియా క్రికెట్ కౌన్సిల్. సుమారు రెండు గంటలకు పైగా ఈ సమావేశం కొనసాగింది. అనంతరం తేదీలను ఖరారు చేసింది. 2025 ఆసియా కప్ను హైబ్రిడ్ మోడల్లో నిర్వహిస్తామని ప్రకటించింది.
యునైటెడ్ అరబ్ ఎమిరేట్స్ ఈ టోర్నమెంట్కు ఆతిథ్యం ఇవ్వబోతోంద ఆసియా క్రికెట్ కౌన్సిల్ ఛైర్మన్ మొహిసిన్ నఖ్వీ ధృవీకరించారు. త్వరలోనే షెడ్యూల్ ను విడుదల చేస్తామని అన్నారు. ఈ టోర్నమెంట్ సెప్టెంబర్ 9 నుండి 28 వరకు జరుగనుంది. భారత్, శ్రీలంక సంయుక్తంగా దీన్ని హోస్ట్ చేయనున్నాయి. ఐసీసీ టీ20 వరల్డ్ కప్ 2026 కోసం సన్నాహాలకు అనుగుణంగా ఈ టోర్నమెంట్ అదే ఫార్మాట్లో జరుగుతుంది.
ఈ ఎడిషన్లో ఎనిమిది జట్లు పాల్గొనబోతోన్నాయి. ఈ ప్రతిష్ఠాత్మక టైటిల్ కోసం భారత్, పాకిస్తాన్, శ్రీలంక, ఆఫ్ఘనిస్తాన్, బంగ్లాదేశ్, యునైటెడ్ అరబ్ ఎమిరేట్స్, హాంకాంగ్, ఒమన్.. తలపడనున్నాయి. మొత్తం 19 మ్యాచ్లు జరుగుతాయి. భారత్, పాకిస్తాన్ ఒకే గ్రూప్లో ఉంటాయని భావిస్తున్నారు.
చిరకాల ప్రత్యర్థుల మధ్య మూడు హై-ఓల్టేజ్ మ్యాచ్ లు జరిగే అవకాశం ఉంది. అన్నీ సవ్యంగా సాగితే.. భారత్- పాకిస్తాన్ మధ్య మూడు మ్యాచ్ లు ఉండొచ్చు. గ్రూప్, సూపర్ 4లల్లో భారత్- పాకిస్తాన్ ఎదురుపడొచ్చు. ఈ రెండు జట్లు అంచనాలకు తగ్గట్టుగా రాణించగలిగితే ఫైనల్స్ లో ఢీ కొనడం ఖాయమౌతుంది.
భారత్- పాకిస్తాన్ మ్యాచ్ లపై పహల్గామ్ ఉగ్రవాద దాడి ప్రభావం చూపుతుందనే అనుమానాలు సైతం వ్యక్తమౌతోన్నాయప్పుడే. ఈ ఏడాది ఏప్రిల్ 22వ తేదీన సంభవించిన ఈ మారణకాండ తరువాత భారత్- పాకిస్తాన్ జట్లు తలపడబోతోండటం ఇదే తొలిసారి కావడం ప్రాధాన్యతను సంతరించుకుంది.
ఈ ఉగ్రదాడికి నిరసనగా ఇప్పటికే వరల్డ్ ఛాంపియన్ లీగ్స్ ఆఫ్ లెజెండ్స్ లో భారత్- పాకిస్తాన్ మ్యాచ్ రద్దయిన విషయం తెలిసిందే. భారత్ తరఫున ఆడాల్సిన నలుగురు ఆల్ రౌండర్లు.. పాకిస్తాన్ తో మ్యాచ్ ఆడబోమంటూ తేల్చి చెప్పారు. ఫలితంగా మ్యాచ్ రద్దు చేయాల్సొచ్చింది.
Click it and Unblock the Notifications
Sign in with Google