ముంబై ఇండియాన్స్ క్రికెటర్ను బ్యాట్తో కొట్టిన ధోని
చెన్నై సూపర్ కింగ్స్, ముంబై ఇండియన్స్ మధ్య జరిగిన మ్యాచ్లో ఓ సరదా సంఘటన చోటు చేసుకుంది. చెన్నై సూపర్ కింగ్స్ (సీఎస్కే) మాజీ ఆటగాడు, ప్రస్తుతం ముంబై ఇండియన్స్ (ఎంఐ) ఆటగాడైన దీపక్ చాహర్ను ఎంఎస్ ధోనీ సరదాగా బ్యాట్తో కొట్టాడు. ఈ ఘటనకు సంబంధించిన వీడియో సోషల్ మీడియాలో వైరల్ అయింది.అంతకు ముందు ధోని బ్యాటింగ్ వచ్చిన సమయంలో అతన్ని సరదాగా స్లెడ్జింగ్ చేయడానికి ప్రయత్నించాడు.ధోని బ్యాటింగ్ చేస్తుంటే, అతని దగ్గరకు వచ్చి అక్కడ ఫీల్డింగ్ చేయడానికి దీపక్ చాహర్ ప్రయత్నించాడు.
MS Dhoni giving BAT treatment to Deepak Chahar😭pic.twitter.com/2uYGLkFdpy
— (@lofteddrive45) March 23, 2025
చెన్నై చెపాక్ స్టేడియం వేదికగా చెన్నై సూపర్ కింగ్స్, ముంబై ఇండియన్స్ జట్ల మధ్య మ్యాచ్ జరిగింది. మ్యాచ్ ముగిసిన తర్వాత ఎంఎస్ ధోనీ, దీపక్ చాహర్ను సరదాగా బ్యాట్తో కొట్టాడు. దీనికి సంబంధించిన వీడియో సోషల్ మీడియాలో వైరల్ అయింది. ధోనీ, చాహర్ మధ్య ఉన్న స్నేహపూర్వక బంధాన్ని ఈ సంఘటన తెలియజేస్తుంది.మ్యాచ్ ముగిసిన తర్వాత, రెండు జట్ల ఆటగాళ్లు కరచాలనం చేస్తుండగా, ధోని సున్నా పరుగులతో అజేయంగా నిలిచాడు.
బౌలింగ్ ఆల్ రౌండర్ చాహర్ను దాటుకుంటూ వెళ్ళినప్పుడు, ధోని తన బ్యాట్తో చాహర్ను కొడుతున్నట్లుగా వ్యవహరించి ప్రతీకారం తీర్చుకున్నాడు. ఇక ఈ మ్యాచ్లో ముంబై ఇండియన్స్పై చెన్నై సూపర్ కింగ్స్ ఘన విజయం సాధించింది. దీపక్ చాహర్ సీఎస్కేతో కలిసి ఏడేళ్లు ప్రయాణం కొనసాగించాడు.ఐపీఎల్ 2025లో జరిగిన వేలంలో సీఎస్కే జట్టు దీపక్ చాహర్ను రిటైన్ చేసుకోలేదు.దాంతో ముంబై ఇండియన్స్ జట్టు దీపక్ చాహర్ను తమ జట్టులోకి తీసుకుంది.
Click it and Unblock the Notifications
Sign in with Google