ఇషాన్ కిషన్కు షాకిచ్చిన బుడ్డోడు.. అసలు రహస్యం ఇదే!
Duleep Trophy 2026: దులీప్ ట్రోఫీలో ఇషాన్ కిషన్ కెప్టెన్గా వ్యవహరించిన తూర్పు జోన్.. ఈశాన్య జోన్ను ఒక ఇన్నింగ్స్, 210 పరుగుల తేడాతో ఓడించి సెమీస్కు దూసుకెళ్లింది. ఈ భారీ విజయంలో వైస్ కెప్టెన్ వైభవ్ సూర్యవంశీ బ్యాటింగ్లో పెద్దగా ప్రభావం చూపకపోయినా.. తన స్పిన్ బౌలింగ్తో 2 కీలక వికెట్లు పడగొట్టి అందరినీ ఆకట్టుకున్నాడు. మ్యాచ్ అనంతరం ఈ యువ క్రికెటర్ తన ప్రాణాంతకమైన బౌలింగ్ వెనుక ఉన్న రహస్యాన్ని.. అలాగే ప్రత్యర్థి బ్యాటర్లను ఎలా బోల్తా కొట్టించాడో తన మాస్టర్ ప్లాన్ను బయటపెట్టాడు. వైభవ్ సూర్యవంశీ తన విధ్వంసకర బ్యాటింగ్తో అభిమానులకు సుపరిచితుడు. అయితే ఈ యువ ఆటగాడు బంతితో తన అద్భుతమైన ప్రదర్శనతో అందరినీ ఆశ్చర్యపరిచాడు.
నిజానికి ఈశాన్య జోన్తో జరిగిన మ్యాచ్లో తూర్పు జోన్ బౌలర్లు వికెట్లు తీయడానికి ఇబ్బంది పడుతున్నప్పుడు కెప్టెన్ ఇషాన్ కిషన్ బంతిని వైభవ్ సూర్యవంశీకి అప్పగించాడు. అది ఓ రిస్క్ అని ఇషాన్ కిషన్ భావించినప్పటికీ.. వైభవ్ కేవలం 3 ఓవర్లలో 11 పరుగులకే 2 కీలక వికెట్లు తీసి తన కెప్టెన్ అంచనాను తప్పు అని నిరూపించాడు.
ఆ విషయం ఇషాన్ భయ్యాకు తెలియదు: వైభవ్ సూర్యవంశీ
బీసీసీ డొమెస్టిక్ పంచుకున్న ఓ వీడియోలో వైభవ్ సూర్యవంశీ తన అద్భుతమైన బౌలింగ్ గురించి చర్చిస్తూ ఓ ఆసక్తికరమైన విషయాన్ని వెల్లడించాడు. ప్రత్యర్థి జట్టు వికెట్లు కోల్పోకుండా ఆడుతున్న సమయంలో కెప్టెన్ ఇషాన్ కిషన్ తనకు బంతిని అప్పగించాడని వెల్లడించాడు. "మీరు ఏ బ్యాటర్ను అడిగినా వారు బౌలింగ్ చేయడాన్ని ఇష్టపడతారనే చెబుతారు. ప్రత్యర్థి జట్టు వికెట్ల పడకపోవడంతో ఇషాన్ భయ్యా నన్ను 2-3 ఓవర్లు వేయమన్నాడు. నాకు బంతిని ఇవ్వడం ఆయన ఓ రిస్క్గా భావించాడు కానీ.. నేను వికెట్లు తీయగల బౌలర్నని ఆయనకు తెలియదు" అని వైభవ్ సూర్యవంశీ నవ్వుతూ చెప్పుకొచ్చాడు.
తన పరిమిత బౌలింగ్ కోటా గురించి వైభవ్ మాట్లాడుతూ.." నేను 5 వికెట్లు తీసినా సరే నాకు 3 ఓవర్లకు మించి బౌలింగ్ ఇవ్వరని నాకు ముందే తెలుసు. అందుకే ప్రయోగాలకు పోకుండా సరైన లైన్ అండ్ లెంగ్త్ పై మాత్రమే దృష్టి పెట్టాను. ఈ మ్యాచ్లో బ్యాటింగ్లో విఫలమైనప్పటికీ.. బౌలింగ్ తో జట్టు విజయంలో భాగస్వామ్యం కావడం నాకు ఎంతో సంతోషాన్ని ఇచ్చింది" అని వైభవ్ పేర్కొన్నాడు. ఇక మ్యాచ్ విషయానికొస్తే.. వైభవ్ బ్యాటింగ్లో విఫలమై 6 బంతుల్లో కేవలం 8 పరుగులు మాత్రమే చేశాడు. కానీ అతను తన బౌలింగ్తో ఆ లోటును భర్తీ చేశాడు.
ఆదివారం రాణించనున్న వైభవ్ సూర్యవంశీ
రెండో ఇన్నింగ్స్లో వైభవ్ సూర్యవంశీ తీసిన రెండు వికెట్ల దెబ్బతో నార్త్ ఈస్ట్ జోన్ స్కోరు 75/5 ను 79/7 కు పడిపోయింది. మొదట కిషన్ లింగ్డోను అవుట్ చేసి ఆ తర్వాత ఇమ్లివాటి లెమ్టూర్ను వికెట్ కీపర్కు క్యాచ్ ఇచ్చేలా చేశాడు. ఈ మ్యాచ్లో ఈస్ట్ జోన్ తమ మొదటి ఇన్నింగ్స్లో 467 పరుగుల భారీ స్కోరును నమోదు చేసింది. దీనికి ప్రతిస్పందనగా నార్త్ ఈస్ట్ జోన్ కేవలం 111 పరుగులకే కుప్పకూలి.. ఫాలో ఆన్ ఆడవలసి వచ్చింది. చివరికి ఈస్ట్ జోన్ ఒక ఇన్నింగ్స్, 210 పరుగుల భారీ తేడాతో మ్యాచ్ను గెలుచుకుంది. ఇప్పుడు వైభవ్ సూర్యవంశీ తదుపరి ప్రదర్శన ఆదివారం బెంగళూరులో సెంట్రల్ జోన్తో జరిగే దులీప్ ట్రోఫీ సెమీ-ఫైనల్లో చూడనున్నారు.
𝐁𝐨𝐰𝐥 𝐢𝐭 𝐥𝐢𝐤𝐞 𝐕𝐚𝐢𝐛𝐡𝐚𝐯 𝐒𝐨𝐨𝐫𝐲𝐚𝐯𝐚𝐧𝐬𝐡𝐢 🎯
— BCCI Domestic (@BCCIdomestic) August 29, 2026
Meet the secret wicket-taker who enjoys bowling and answered his captain’s 'risky' call 🤙 - By @jigsactin#DuleepTrophy pic.twitter.com/ZhZ0QkeyZm
Click it and Unblock the Notifications
Sign in with Google