టీమిండియాలో తీవ్ర సంక్షోభం..గంభీర్పై సీనియర్ల తిరుగుబాటు ?
Team India : భారత క్రికెట్ జట్టులో ఎప్పుడు ఏ క్షణాన ఏం జరుగుతుందో ఊహించడం కష్టం. గెలిచినప్పుడు ఎంత హంగామా ఉంటుందో.. తెరవెనుక అంతకుమించిన రాజకీయాలు నడుస్తుంటాయి. ఇప్పుడు టీమిండియాలో మళ్లీ అలాంటి ఒక సంచలన వాతావరణం నెలకొన్నట్లు జాతీయ మీడియాలో కథనాలు హోరెత్తుతున్నాయి. ముఖ్యంగా టీమిండియా హెడ్ కోచ్ గౌతమ్ గంభీర్, కొందరు సీనియర్ క్రికెటర్ల మధ్య కోల్డ్ వార్ పీక్స్కు చేరిందనే వార్త ఇప్పుడు క్రీడా వర్గాల్లో దావానలంలా వ్యాపిస్తోంది.
గతంలోనూ కోచ్కు, ఆటగాళ్లకు మధ్య కొన్ని విభేదాలు వచ్చినట్లు ప్రచారం జరిగినప్పటికీ.. ఆ తర్వాత అంతా సద్దుమణిగింది. కానీ ఇప్పుడు 2027 వన్డే వరల్డ్ కప్ దగ్గరపడుతున్న నేపథ్యంలో సీనియర్ క్రికెటర్లు మళ్లీ గంభీర్ను టార్గెట్ చేసినట్లు తెలుస్తోంది. సాధారణంగా జట్టు ఎంపిక, భవిష్యత్తు ప్రణాళికల గురించి ఆటగాళ్లు ఎవరైనా సరే హెడ్ కోచ్ గంభీర్ లేదా చీఫ్ సెలెక్టర్ అజిత్ అగార్కర్తో మాట్లాడాలి. కానీ, ఇప్పుడు కొందరు భారత సీనియర్ క్రికెటర్లు వీరిద్దరినీ పక్కనబెట్టి నేరుగా బీసీసీఐ పెద్దలతో ఒక పెద్ద వ్యవహారమే నడిపిస్తున్నట్లు సమాచారం.
క్రీడా వర్గాల నుంచి అందుతున్న సమాచారం ప్రకారం.. సదరు సీనియర్ ప్లేయర్లు జట్టులోని ప్రతి చిన్న విషయాన్ని, లీకులను నేరుగా బీసీసీఐ అధికారులకు చేరవేస్తున్నారట. 2027 వన్డే వరల్డ్ కప్కు సంబంధించి మా భవిష్యత్తు ఏంటో తేల్చాలి. రానున్న రోజుల్లో జట్టులో మా పాత్ర ఏంటో బోర్డు స్పష్టత ఇవ్వాలి అని వారు నేరుగా అధికారులను కోరినట్లు తెలుస్తోంది. అంతేకాదు, ఒకవేళ గంభీర్, అగార్కర్ చేతుల్లోనే నిర్ణయాలు ఉంటే.. రాబోయే రోజుల్లో తమకు జట్టులో అవకాశాలు రావడం కష్టమని, తమను పక్కనబెట్టేస్తారనే భయాన్ని కూడా వారు బీసీసీఐ పెద్దల వద్ద వెళ్లగక్కినట్లు టాక్ నడుస్తోంది.
ఈ వివరాలు బయటకు రావడంతో సోషల్ మీడియాలో గంభీర్పై సీనియర్ల తిరుగుబాటు అనే హ్యాష్ట్యాగ్లు ట్రెండ్ అవుతున్నాయి. గంభీర్ మార్క్ అగ్రెసివ్ అప్రోచ్, కఠిన నిర్ణయాలు కొందరు ఆటగాళ్లకు నచ్చడం లేదని, అందుకే బోర్డును అడ్డం పెట్టుకుని కోచ్ పై ఒత్తిడి తెచ్చే ప్రయత్నం చేస్తున్నారని నెటిజన్లు కామెంట్లు పెడుతున్నారు. మరి ఈ అంతర్గత వివాదంపై అటు గౌతమ్ గంభీర్ గానీ, ఇటు బీసీసీఐ పెద్దలు గానీ ఎలా స్పందిస్తారో చూడాలి. ఒకవేళ ఈ కోల్డ్ వార్ ఇలాగే ముదిరితే.. 2027 వరల్డ్ కప్ ముంగిట టీమిండియాపై దీని ప్రభావం పడే ప్రమాదం ఉందంటున్నారు విశ్లేషకులు.
Click it and Unblock the Notifications
Sign in with Google