కెప్టెన్సీకి గుడ్‌బై .. హర్మన్‌ప్రీత్ సంచలన నిర్ణయం!
భారత మహిళల క్రికెట్ జట్టు కెప్టెన్సీ నుంచి హర్మన్‌ప్రీత్ కౌర్ వైదొలిగారు. మూడు ఫార్మాట్ల కెప్టెన్సీ నుంచి తప్పుకుంటున్నట్లు ఆమె తన నిర్ణయాన్ని ప్రకటించారు. 2022 జూన్‌లో మిథాలీ రాజ్ రిటైర్మెంట్ తర్వాత హర్మన్‌ప్రీత్ కౌర్ మూడు ఫార్మాట్లలో భారత జట్టు పగ్గాలు చేపట్టారు. ఆమె కెప్టెన్సీలో భారత మహిళల జట్టు తొలిసారిగా ప్రపంచ ఛాంపియన్‌గా నిలిచింది. భారత్ 2025 వన్డే ప్రపంచ కప్‌ను గెలుచుకుంది. ఫైనల్‌లో దక్షిణాఫ్రికా, సెమీఫైనల్‌లో ఆస్ట్రేలియా వంటి బలమైన జట్లను టీమిండియా ఓడించింది.
కెప్టెన్సీ నుంచి తప్పుకుంటున్న తన నిర్ణయాన్ని హర్మన్‌ప్రీత్ కౌర్ ఇన్‌స్టాగ్రామ్ పోస్ట్ ద్వారా ప్రకటించారు. ఈ క్రమంలో ఆమె ఇలా రాసుకొచ్చింది. "ఈ రోజు నేను అన్ని ఫార్మాట్లలో భారత మహిళల క్రికెట్ జట్టు కెప్టెన్ పదవి నుంచి తప్పుకుంటున్నాను. ఇది అంత తేలికైన నిర్ణయం కాదు. ఇది ఎన్నో ఏళ్ల జ్ఞాపకాలను, భావోద్వేగాలను, త్యాగాలను, జీవితాంతం నాతో నిలిచిపోయే క్షణాలను తనతో పాటు తెచ్చిపెడుతుంది. నేను ఈ జట్టుకు, భారత మహిళల క్రికెట్‌కు నా సర్వస్వాన్ని ఇచ్చాను. నా రక్తం, నా చెమట, నా సమయం, కొన్నిసార్లు నా ఆటలోని కొంత భాగం, నా వ్యక్తిగత ఆశయాలను కూడా పణంగా పెట్టాను." జట్టుకే మొదటి ప్రాధాన్యత ఇవ్వాలని నేను నమ్మినందున నా వ్యక్తిగత ప్రదర్శనను, నా ఎదుగుదలను, నా వ్యక్తిగత ఆశయాలను పక్కన పెట్టవలసి వచ్చిన సందర్భాలు ఉన్నాయి." అని హర్మన్ ప్రీత్ కౌర్ పేర్కొన్నారు.
కెప్టెన్‌గా తాను ఎన్నో కష్టమైన నిర్ణయాలు తీసుకోవాల్సి వచ్చిందని హర్మన్‌ప్రీత్ కౌర్ రాశారు. "ఆ నిర్ణయాలు ఎప్పుడూ అర్థమయ్యేవిగా, సులభమైనవిగా ఉండేవి కావు, కొన్నిసార్లు వ్యక్తిగత మూల్యం చెల్లించాల్సి వచ్చేది కూడా. నేను తీసుకున్న ప్రతి నిర్ణయం వెనుక ఒకే లక్ష్యం ఉంది. ఈ జట్టును మెరుగుపరచడం, ఇతర క్రీడాకారులకు ఎదగడానికి, తమపై తాము నమ్మకం ఉంచుకోవడానికి, అత్యుత్తమ వ్యక్తులుగా మారడానికి అవకాశం కల్పించడం. నేను అన్నీ చూశాను. అత్యంత చీకటి క్షణాలను, గుండెకోతను, ప్రతికూలతను, సందేహాలను, ఏదీ మాకు అనుకూలంగా జరగనట్లు అనిపించిన రోజులను చూశాను. అలాగే అత్యుత్తమ సమయాలను కూడా చూశాను/ విజయాలు, సంబరాలు, నా దేశానికి ప్రాతినిధ్యం వహించిన గర్వం, చేసిన ప్రతి త్యాగం ఫలించిన క్షణాలు." అన్ని చూసినట్లు ఆమె వెల్లడించారు.
కెప్టెన్సీ నుంచి వైదొలుగుతున్నా: హర్మన్‌ప్రీత్ కౌర్
"ఈ రోజు నేను భారమైన హృదయంతో కెప్టెన్సీ నుంచి వైదొలుగుతున్నాను, కానీ మనశ్శాంతితో కూడా ఉన్నాను. ఎందుకంటే నా జట్టు మంచి స్థితిలో ఉందని నేను మనస్ఫూర్తిగా నమ్ముతున్నాను. ప్రతిభ, వ్యక్తిత్వం, ఆత్మవిశ్వాసం ఉన్న జట్టు ఇది. ఆ భవిష్యత్తును చూడటానికి, అందులో భాగం కావడానికి నేను ఎంతో ఉత్సాహంగా ఉన్నాను. నేను నా కర్తవ్యాన్ని నెరవేర్చానని భావిస్తున్నాను. ఈ జట్టుకు నా సర్వస్వాన్ని ఇచ్చాను. నేను ఈ బాధ్యతను గర్వంగా స్వీకరించాను. భారత మహిళల క్రికెట్‌కు నాయకత్వం వహించే ఈ ప్రత్యేక అవకాశానికి నేను ఎల్లప్పుడూ కృతజ్ఞురాలిగా ఉంటాను." అని హర్మన్‌ప్రీత్ కౌర్ రాసుకొచ్చారు.
ఇక ముందుకు సాగాల్సిన సమయం వచ్చింది..
ఇక ముందుకు సాగాల్సిన సమయం వచ్చిందని హర్మన్‌ప్రీత్ కౌర్ అన్నారు. "కెప్టెన్సీ ఈ రోజుతో ముగియవచ్చు. కానీ భారత క్రికెట్‌పై నా ప్రేమ ఎప్పటికీ ముగియదు. కష్టసుఖాల్లో నాకు అండగా నిలిచిన ప్రతి సహచర ఆటగాళ్లకు, కోచ్‌కు, సహాయక సిబ్బందికి, యాజమాన్యానికి, బీసీసీఐకి, కుటుంబ సభ్యులకు, ప్రతి అభిమానికి ధన్యవాదాలు. రక్తం, చెమట, త్యాగం, గర్వం-అన్నీ ఇచ్చేశాను. ఇప్పుడు, ఆటపై ఉన్న ప్రేమతో మళ్లీ ఆడటానికి నేను సిద్ధంగా ఉన్నాను. కెప్టెన్సీ ముగిసింది, ప్రయాణం కొనసాగుతుంది." అని హర్మన్‌ప్రీత్ కౌర్ స్పష్టం చేశారు.
🔴I GAVE IT ALL - HARMANPREET KAUR STEPS DOWN🤯Harmanpreet Kaur has stepped down as captain of the Indian women’s cricket team across all formats.🎙️: She said she gave everything to the team, feels she has done her duty, and thanked her teammates, coaches, BCCI, family and fans. “Captaincy ends. The journey continues.” 🙏❤️
— Sam (@cricsam02) October 6, 2026
Click it and Unblock the Notifications
Sign in with Google
