IND vs AFG: 'బేబీ బాస్' ఆశలపై నీళ్లు..!
IND vs AFG: భారత్, అఫ్గానిస్థాన్ జట్ల మధ్య జరుగుతున్న మూడు టీ20 సిరీస్లో భాగంగా ఢిల్లీలోని అరుణ్ జైట్లీ స్టేడియంలో మూడో, చివరి టీ20 మ్యాచ్ ప్రారంభమైంది. టాస్ గెలిచిన అఫ్గానిస్థాన్ కెప్టెన్ ఇబ్రహీం జద్రాన్ ముందుగా బౌలింగ్ ఎంచుకున్నాడు. ఇప్పటికే వరుసగా రెండు మ్యాచ్లు గెలిచి సిరీస్ ను 2-0తో సొంతం చేసుకున్న టీమిండియా.. ఆ ఆఖరి పోరులోనూ విజయం సాధించి సిరీస్ను 3-0తో క్లీన్ స్వీప్ చేయాలని పట్టుదలతో ఉంది. మరోవైపు అఫ్గానిస్థాన్ కనీసం ఈ చివరి మ్యాచ్లోనైనా గెలిచి గౌరవాన్ని కాపాడుకోవాలని చూస్తోంది.
టాస్ సమయంలో టీమిండియా కెప్టెన్ శ్రేయస్ అయ్యర్ మాట్లాడుతూ.. జట్టు ఓ మార్పు చేసినట్లు వెల్లడించారు. బౌలర్ అర్ష్దీప్ సింగ్ స్థానంలో యష్ ఠాకూర్ జట్టులోకి వచ్చాడు. ఇప్పటికే సిరీస్ గెలిచినప్పటికీ..జట్టులో ఎలాంటి తావులేదని, పరిస్థితికి తగ్గట్లుగా ఆడుతామని చెప్పుకొచ్చారు. బ్యాటింగ్ మొదటగా చేసినంత మాత్రాన నిర్లక్ష్యంగా షాట్లు ఆడుబోమని, పిచ్ తీరును బట్టి వ్యూహాత్మకంగా పరుగులు సాధిస్తామని శ్రేయస్ అయ్యర్ పేర్కొన్నారు. గత మ్యాచ్లో స్టార్ క్రికెటర్ సంజు శాంసన్ 57 పరుగులతో అద్భుతమైన హాఫ్ సెంచరీ చేసి ఫామ్లోకి వచ్చినప్పటికీ.. రాబోయే ఆసియా క్రీడలను దృష్టిలో ఉంచుకుని బెంచ్ మీదున్న యంగ్ ప్లేయర్లకు అవకాశాలు ఇవ్వడమే తమ లక్ష్యమని శ్రేయస్ అయ్యర్ స్పష్టం చేశారు. అందరూ వైభవ్ సూర్యవంశీకి అవకాశం లభిస్తుందని అంచనా వేశారు. కానీ టీమిండియా యువ సంచలనం వైభవ్ సూర్యవంశీకి ఛాన్స్ లభించకపోవడంతో అభిమానుల్లో నిరాశ కలుగుతోంది. స్వదేశంలో అంతర్జాతీయ అరంగేట్రం చేసే అవకాశం బేబీబాస్ కు ఇంకా లభించకపోవడం ఆందోళనను కలిగిస్తోంది.
తొలి రెండు మ్యాచుల్లోనూ టాస్ ఓడిపోయిన అఫ్గానిస్తాన్ కెప్టెన్ ఇబ్రహీం జద్రాన్.. ఈ మ్యాచ్లో మాత్రం టాస్ గెలిచి పిచ్ పరిస్థితి బౌలింగ్ కు అనుకూలంగా ఉండటంతో ముందుగా ఫీల్డింగ్ చేయడానికి మొగ్గు చూపారు. ఇప్పటికీ సిరీస్ కోల్పోయినప్పటికీ.. గత మ్యాచుల్లో చేసిన తప్పులను సరిదిద్దుకుని భారత్ లాంటి పటిష్టమైన జట్టుపై విజయం సాధించి సిరీస్ను సానుకూలంగా ముగించడమే తమ లక్ష్యమని ఇబ్రహీం జద్రాన్ స్పష్టం చేశారు. ఈ మ్యాచ్ కోసం అఫ్గానిస్తాన్ జట్టులో రెండు మార్పులు జరిగాయి. గుల్బదీన్ నాయబ్, నూర్ అహ్మద్ల స్థానాల్లో అబ్దుల్లా అహ్మద్జాయ్, నూర్ ఉల్ రెహ్మాన్లు తుది జట్టులోకి వచ్చారు.
తుది జట్లు
భారత్: సంజు శాంసన్(వికెట్ కీపర్), అభిషేక్ శర్మ, ఇషాన్ కిషన్, శ్రేయస్ అయ్యర్(కెప్టెన్), తిలక్ వర్మ, నితీష్ కుమార్ రెడ్డి, శివం దూబే, అక్షర్ పటేల్, రవి బిష్ణోయ్, యశ్ ఠాకూర్, జస్ప్రీత్ బుమ్రా
అఫ్గానిస్తాన్: ఇబ్రహీం జద్రాన్(కెప్టెన్), రహ్మనుల్లా గుర్బాజ్(వికెట్ కీపర్), సెడిఖుల్లా అటల్, దర్వీష్ రసూలీ, నూరుల్ రెహ్మాన్, అజ్మతుల్లా ఒమర్జాయ్, మహమ్మద్ నబీ, రషీద్ ఖాన్, ముజీబుర్ రెహ్మాన్, ఫజల్ హక్ ఫారూఖీ, అబ్దుల్లా అహ్మద్జాయ్.
Click it and Unblock the Notifications
Sign in with Google
