ప్రధాని మోదీ ఫోన్ - రోహిత్, విరాట్ పై ప్రశంసలు, ద్రావిడ్ కు థాంక్స్..!!

టీ20 వరల్డ్ కప్ 2024ను ముద్దాడిన టీమిండియా ఆటగాళ్లను ప్రధాని మోదీ ప్రశంసించారు. మ్యాచ్ పూర్తయిన తరువాత టీం సభ్యులతో ప్రధానమంత్రి నరేంద్ర మోదీ ఫోన్ కాల్ చేసి మాట్లాడారు. ప్రపంచ కప్‌ను సాధించిన ఆటగాళ్లకు అభినందనలు తెలిపారు. ప్రధాన కోచ్‌గా కొనసాగిన రాహుల్ ద్రవిడ్‌కు ప్రధాని ప్రత్యేక ధన్యవాదాలు తెలిపారు. రోహిత్ శర్మ అద్భుతమైన కెప్టెన్సీకి అభినందనలు అని పేర్కొన్నారు. ఇక కీలకమైన ఫైనల్ మ్యాచ్‌లో విరాట్ కోహ్లీ అద్భుతమైన ప్రదర్శనను ప్రశంసించారు.

టీంపై ప్రశంసలు
టీ20 ప్రపంచ కప్ విజేతగా భారత్ ను నిలిపిన రోహిత్ టీం ను ప్రధాని మోదీ ప్రశంసలతో మంచెత్తారు. కాగా కెప్టెన్ రోహిత్ శర్మ, స్టార్ ప్లేయర్ విరాట్ కోహ్లీ, కోచ్ రాహుల్ ద్రావిడ్‌లకు ఎక్స్ వేదికగా ప్రధాని మోదీ ప్రత్యేక అభినందనలు తెలిపారు. 'డియర్ రోహిత్ శర్మ' అంటూ మోదీ ట్వీట్ చేశారు. '' నువ్వు అద్భుతమైన పరిణితి చెందిన ఆటగాడివి. నీ దూకుడు స్వాభావం, దూకుడు బ్యాటింగ్, కెప్టెన్సీలు భారత జట్టును రూపాంతరం చెందించాయి. నీ టీ20 కెరీర్‌ను ఎప్పటికీ గుర్తుండిపోతుంది. ఈ రోజు నీతో మాట్లాడినందుకు ఆనందంగా ఉంది'' అంటూ ఎక్స్ వేదికగా మోదీ పేర్కొన్నారు.

కోహ్లీని ప్రధాని మోదీ ప్రత్యేకంగా అభినందించారు. నీతో మాట్లాడినందుకు సంతోషంగా ఉంది విరాట్. ఫైనల్స్‌లో ఆడిన ఇన్నింగ్స్‌ లాంటి బ్యాటింగ్‌తో నువ్వు భారత జట్టు బ్యాటింగ్‌ను అద్భుతంగా ప్రోత్సాహించావు. అన్ని ఫార్మాట్లలోనూ రాణించాయి. టీ20 క్రికెట్ మిమ్మల్ని కోల్పోతుంది. కానీ కొత్త తరం ఆటగాళ్లను నువ్వు ప్రోత్సహిస్తూనే ఉంటాని నేను విశ్వసిస్తున్నానని ప్రధాని మోదీ ఎక్స్ వేదికగా పేర్కొన్నారు. అదే సమయంలో రాహుల్ ద్రావిడ్‌ను కూడా మోదీ ప్రత్యేకంగా అభినందించారు.

Rahul Dravid’s incredible coaching journey has shaped the success of Indian cricket.

His unwavering dedication, strategic insights and nurturing the right talent have transformed the team.

India is grateful to him for his contributions and for inspiring generations. We are… pic.twitter.com/8MKSPqztDV

— Narendra Modi (@narendramodi) June 30, 2024

Dear @ImRo45,

You are excellence personified. Your aggressive mindset, batting and captaincy has given a new dimension to the Indian team. Your T20 career will be remembered fondly. Delighted to have spoken to you earlier today. pic.twitter.com/D5Ue9jHaad

— Narendra Modi (@narendramodi) June 30, 2024

సక్సెస్ బాట పట్టించారు
రాహుల్ ద్రవిడ్ అద్భుతమైన కోచింగ్ ప్రయాణం భారత క్రికెట్‌ జట్టును విజయవంతమైన టీమ్‌గా రూపొందించిందని పేర్కొన్నారు. ద్రావిడ్ అచంచలమైన అంకితభావం, వ్యూహాత్మక ఆలోచనలు, సరైన ప్రతిభను వెలికి తీసే నైపుణ్యాలు జట్టును రూపాంతరం చెందిందని పేర్కొన్నారు. వరల్డ్ కప్ గెలవడంతో రాహుల్ ద్రావిడ్ అందించిన సహకారం భారత్ ఎప్పటికీ కృతజ్ఞతతో ఉంటుందన్నారు. ఇక ఆయన సేవలు తరాలకు స్ఫూర్తినిస్తాయన్నారు. రాహుల్ ద్రావిడ్ వరల్డ్ కప్‌ ట్రోఫీని పైకిఎత్తడం చాలా సంతోషం కలిగిస్తోందన్నారు. ద్రావిడ్‌కు అభినందనలు తెలపడం సంతోషంగా ఉందని మోదీ పేర్కొన్నారు.

Dear @imVkohli,

Glad to have spoken to you. Like the innings in the Finals, you have anchored Indian batting splendidly. You’ve shone in all forms of the game. T20 Cricket will miss you but I am confident you’ll continue to motivate the new generation of players. pic.twitter.com/rw8fKvgTbA

— Narendra Modi (@narendramodi) June 30, 2024

English summary

PM Modi Modi today spoke to the Indian Cricket Team on the phone to congratulate the players for their T20 World Cup win.