పీవీ సింధు వెడ్డింగ్ బెల్స్కు ఆల్ సెట్..!!
PV Sindhu marriage: స్టార్ షట్లర్ పీవీ సింధు ఇంకొన్ని గంటల్లో పెళ్లి పీటలు ఎక్కనున్నారు. హైదరాబాద్కు చెందిన ప్రముఖ పారిశ్రామికవేత్త, పాసిడెక్స్ టెక్నాలజీస్ ఎగ్జిక్యూటివ్ డైరెక్టర్ వెంకట దత్త సాయిని పెళ్లాడనున్నారు. ఈ సాయంత్రం రాజస్థాన్లోని ఉదయ్పూర్లో ఈ వివాహ వేడుకలు జరుగనున్నాయి.
డిసెంబర్ 24వ తేదీన హైదరాబాద్లో గ్రాండ్గా రిసెప్షన్ను నిర్వహిస్తారు ఇరు కుటుంబాల వారు. ఈ నెల 20వ తేదీ నుంచే పెళ్లి మొదలయ్యాయి. ఈ నెల 19వ తేదీ నాటికి ఇరు కుటుంబాల వారు ఉదయ్పూర్కు చేరుకున్నారు. 20వ తేదీన హల్దీ ముగిసింది. 21న పెళ్లికూతురు చేయడం, మెహందీ కార్యక్రమాలను నిర్వహించారు.
ఈ సాయంత్రం ఉదయ్పూర్లోని ప్రముఖ లగ్జరీ రిసార్ట్ రాఫెల్స్లో పెళ్లి పీటలు ఎక్కనున్నారు. ప్రస్తుతం పెళ్లి పనులు తుదిదశకు చేరుకున్నారు. ఈ వివాహ వేడుకలకు పరిమితంగా బంధుమిత్రులను ఆహ్వానించారు రెండు కుటుంబాల వారు. 24వ తేదీన రిసెప్షన్కు రెండు తెలుగు రాష్ట్రాలకు చెందిన వివిధ రంగాల ప్రముఖులు, క్రీడాకారులు హాజరయ్యే అవకాశం ఉంది.
హైదరాబాద్ హైటెక్ సిటీ ప్రధాన కేంద్రంగా తన కార్యకలాపాలను కొనసాగిస్తోంది పాసిడెక్స్ టెక్నాలజీస్. ఆర్టిఫీషియల్ ఇంటెలిజెన్స్ అండ్ మిషన్ లెర్నింగ్, డేటా మేనేజ్మెంట్, డేటా అనలైజింగ్ సెగ్మెంట్కు సంబంధించిన సంస్థ ఇది. 2003లో ఇది ఏర్పాటైంది. ప్రముఖ కంపెనీలకు డేటా మేనేజ్మెంట్ సేవలను అందిస్తోంది.
అమెరికా, కెనడాల్లోనూ దీనికి కార్యాలయాలు ఉన్నాయి. బ్యాంకింగ్, ఫైనాన్షియల్ సర్వీసెస్, ఇన్సూరెన్స్, సెక్యూరిటీస్, రిటైల్, టెలికం, క్రెడిట్ బ్యూరో రంగాలతో పాటు కొన్ని ప్రభుత్వం విభాగాలు కూడా పాసిడెక్స్ టెక్నాలజీస్ క్లయింట్స్గా ఉంటోన్నాయి. ఈ కంపెనీకి ఎగ్జిక్యూటివ్ డైరెక్టర్గా వ్యవహరిస్తోన్నారు వెంకట దత్త సాయి.
పెళ్లి తరువాత కూడా పీవీ సింధు.. క్రీడారంగంలో కొనసాగే అవకాశాలు లేకపోలేదు. పెళ్లి వేడుకలు ముగిసిన అతి కొద్దిరోజుల్లోనే ఆమె నెక్స్ట్ సీజన్ కోసం సన్నద్ధమౌతారని ఆమె తండ్రి పీవీ రమణ ఇదివరకే వెల్లడించారు. తెలిపారు. దీనికి అవసరమైన ట్రైనింగ్ సెషన్స్కు అటెండ్ అవుతారని అన్నారు.
ఒలింపిక్స్లో రెండుసార్లు పతకాన్ని సాధించారు పీవీ సింధు. 2016లో రియో డి జనేరియో, 2020లో టోక్యోలో జరిగిన ఒలింపిక్స్లో పతకాలను సాధించారు. బ్యాడ్మింటన్లో కేరీర్ అత్యుత్తమ ర్యాంక్ సాధించారు. 2017లో రెండో స్థానం వరకూ ఎగబాకారు. 2024 ప్యారిస్ ఒలింపిక్స్లో విఫలం అయ్యారు.
-
కుప్పకూలుతున్న బంగారం ధరలు- రాక్ బాటమ్ -
లోకసభ, అసెంబ్లీ స్థానాల పెంపు - ఏపీ..తెలంగాణలో పెరిగేది ఇలా, మహిళల స్థానాలు ఇవే..!! -
PM Modi: ఇరాన్ వార్ తో మనకు కష్టాలే..! సిద్ధంగా ఉండాలన్న మోడీ..! -
కొత్త సినిమాలపై పవన్ కల్యాణ్ సంచలన నిర్ణయం, ఇక నుంచి..!! -
రైతు రుణమాఫీ లేదు.. తేల్చి చెప్పిన నిర్మలమ్మ! -
భారత్.. పాకిస్థాన్ లా 'బ్రోకర్' కాదు.. ఇచ్చిపడేసిన జై శంకర్.. -
టీడీపీ కంచుకోటలో వైసీపీ అభ్యర్ధి ఫిక్స్, 2024 నిర్ణయాల దిద్దుబాటు..!! -
ఇంటర్ ఫలితాల డేట్ వచ్చేసింది- ఏపీ, తెలంగాణలో ఇలా..!! -
వెండి విలయ తాండవం: నిలిచిపోయిన ట్రేడింగ్! -
"ధురంధర్" దెబ్బకి "పాకిస్థాన్" లో కలకలం.. నయా ఆపరేషన్ షురూ..!! -
మీనరాశి వార్షిక ఫలం 2026-27: ఈ ఏడాది కార్యసిద్ధి, ఆర్థిక లాభం.. పూర్తి వివరాలివే! -
అమెరికాకు ఎదురుదెబ్బ? యుద్ధక్షేత్రం నుంచి వైదొలిగిన ఫోర్డ్.. కారణం ఏంటి?
Click it and Unblock the Notifications
Sign in with Google