సానియా మీర్జా ఆస్తుల విలువ ఎంతోో తెలిస్తే మైండ్ పోతుంది..!

ప్రముఖ టెన్నిస్ క్రీడాకారిణీ సానియా మీర్జా వైవాహిక జీవితం విషాదాంతంగా ముగిసిన సంగతి అందరికి తెలిసిందే. సానియా మీర్జా తన 15 ఏళ్ల దాంపత్య జీవితానికి గుడ్ బై చెప్పింది. భర్త షోయబ్ మాలిక్ మరో పెళ్లి చేసుకోవడంతో .. అతనితో సానియా మీర్జా బంధం తెగిపోయినట్టు అయింది. షోయబ్ మాలిక్ పాకిస్థాన్‌కు చెందిన హీరోయిన్ సనా జావేద్‌ను వివాహం చేసుకున్నాడు.

సనా జావేద్‌తో షోయబ్ మాలిక్ ఎఫైర్ కారణంగానే సానియా మీర్జా భర్తతో విడిపోయిందనే వార్తలు సోషల్ మీడియాలో వైరల్ అవుతున్నాయి. విడాకులపై సానియా మీర్జా తండ్రి ఇమ్రాన్ మీర్జా స్పందించారు. సంప్రదాయం ప్రకారమే సానియా మీర్జా తన భర్త నుంచి విడాకులు తీసుకుందని ఆయన తెలిపారు. ఇదిలా ఉంటే సానియా మీర్జా ఆస్తులకు సంబంధించి ఓ వార్త సోషల్ మీడియాలో చక్కర్లు కొడుతుంది.

1999లో కెరీర్ ప్రారంభించిన సానియా మీర్జా ఆస్తులను గట్టిగానే కూడబెట్టినట్టు లెక్కలు చెబుతున్నాయి. టెన్నిస్ మొదలు పెట్టిన తరువాత సానియా ఆస్తులు అమాంతం పెరిగాయి. 2023 నాటికి ఆమె నికర సంపద $26 మిలియన్లు. ఇది భారత కరెన్సీలో దాదాపు రూ.210 కోట్లకు సమానం. వీటితో పాటు...మరెన్ని నికర ఆస్తులు ఉన్నట్టు సమాచారం.

టెన్నిస్ కోర్ట్‌లో సాధించిన విజయాలకు వచ్చిన ఆదాయం కంటే వ్యాపార ప్రకటనల ద్వారా సానియాకు వచ్చిన ఆదాయమే ఎక్కువని తెలుస్తోంది. పలు బ్రాండ్స్‌కు ఎండార్స్‌మెంట్స్ ద్వారా భారీగా ఆదాయాన్ని ఆర్జించింది. ఎకనామిక్ టైమ్స్ రిపోర్ట్ ప్రకారం.. 2015లో ప్రపంచ నంబర్ 1గా ఉన్న సమయంలో ఒక్కో వ్యాపార ప్రకటనకు రూ. 60 లక్షల నుంచి రూ. 75 లక్షల వరకు వసూలు చేసిందని సమాచారం.

సానియా మీర్జా వ్యాపార ఎండార్స్‌మెంట్స్ జాబితాను ఓసారి పరిశీలిస్తే.. టాటా టీ, టీవీఎస్ స్కూటీ, బోర్న్‌విటా వంటి బ్రాండ్‌లు ఉన్నాయి.ప్రస్తుతం జిందా తిలిస్మత్, లాక్మే ఇండియా, లివోజెన్ వంటి బ్రాండ్‌లకు ప్రచారకర్తగా కొనసాగుతుంది. ఎండార్స్‌మెంట్స్ ద్వారానే సానియా మీర్జా ఏడాదికి రూ.25 కోట్లు సంపాదిస్తుందని DNA రిపోర్ట్ తెలిపింది.

హైదరాబాద్‌,దుబాయ్‌ల్లో విశాలవంతమైన ఇళ్లు సానియా పేరు మీద ఉన్నట్టు సమాచారం. వీటితో పాటు సానియాకు కార్లంటే పిచ్చి ఉండటంతో ఆమె దగ్గర కోట్లు విలువ చేసే పలు రకాల బ్రాండ్స్ కార్లు కూడా ఉన్నాయి.

English summary

Sania Mirza's Rs 216 crore net worth — from multi-crore lavish homes in Hyderabad and Dubai, expensive cars.