చరిత్రను మార్చే సన్నాహాలు.. వైభవ్ సూర్యవంశీ చేతిలో బిగ్ రికార్డ్!

Vaibhav Sooryavanshi: టీమిండియా యువ సంచలనం అంతర్జాతీయ క్రికెట్లోకి అడుగుపెట్టిన క్షణం నుంచే తాను కేవలం రికార్డులు నెలకొల్పడానికి కాదని.. వాటిని మార్చేందుకు వచ్చానని స్పష్టం చేశాడు. ఇప్పుడు 2026 ఆసియా క్రీడల్లో క్రికెట్ రికార్డులను బ్రేక్ చేసే అవకాశం వైభవ్ సూర్యవంశీకి లభించింది. ఒక్క సెంచరీతో వైభవ్ సూర్యవంశీ ప్రపంచంలోనే అత్యంత పిన్న వయస్కుడైన అంతర్జాతీయ సెంచరీ వీరుడిగా నిలిచే అవకాశం ఉంది.

వైభవ్ సూర్యవంశీ 15 ఏళ్ల 99 రోజుల వయస్సులో టీమిండియా తరఫున అంతర్జాతీయ క్రికెట్‌లో అరంగేట్రం చేశాడు. కొన్ని రోజుల తర్వాత వైభవ్ జింబాబ్వే జట్టుపై 18 బంతుల్లో హాఫ్ సెంచరీ సాధించి 15 ఏళ్ల 115 రోజుల వయస్సులో పురుషుల అంతర్జాతీయ క్రికెట్లో హాఫ్ సెంచరీ చేసిన అతి పిన్న వయస్కుడైన బ్యాటర్‌గా నిలిచాడు. ఇంత చిన్న వయస్సులో ఈ ఘనత సాధించడం అసాధారణ విషయమే. కానీ కథ ఇక్కడితో ముగిసిపోలేదు.

ఇప్పుడు మరో కీలక సమరం 2026 ఆసియా క్రీడలు. జపాన్‌లోని ఐచి ప్రిఫెక్చర్‌లో సెప్టెంబర్ 24న ప్రారంభమయ్యే టీ20 క్రికెట్ మ్యాచ్‌ల కోసం వైభవ్ సూర్యవంశీ భారత జట్టుకు ఎంపికయ్యాడు. ఆగస్టు 5, 2026 నాటికి వైభవ్ సూర్యవంశీకి 15 ఏళ్ల 131 రోజుల వయస్సు. ఆసియా క్రీడల టీ20 క్రికెట్ పోటీలు ప్రారంభమయ్యే సెప్టెంబర్ 24, 2026 నాటికి వైభవ్ సూర్యవంశీకి 15 ఏళ్ల 181 రోజుల వయస్సు ఉంటుంది. వైభవ్ సూర్యవంశీ చరిత్రను తిరగరాసేందుకు అవకాశం పుష్కలంగా ఉంది. ఆసియా క్రీడల్లో వైభవ్ సూర్యవంశీ సెంచరీ సాధిస్తే.. అది కేవలం ఓ సెంచరీ మాత్రమే కాదు. అది వైభవ్ సూర్యవంశీనికి అంతర్జాతీయ క్రికెట్లో అత్యంత పిన్న వయస్కుడైన సెంచరీ వీరుడిగా నిలబెట్టగలదు.

ప్రస్తుతం పురుషుల క్రికెట్లో ఈ రికార్డు పాకిస్థాన్‌కు చెందిన షాహిద్ అఫ్రిది పేరిట ఉంది. షాహిద్ అఫ్రిది అఫ్రిది 16 ఏళ్ల 217 రోజుల వయస్సులో, 1996 అక్టోబర్ 4న శ్రీలంకపై వన్డే సెంచరీ సాధించాడు. దాదాపు మూడు దశాబ్దాలు గడిచినా, ఏ ఇతర బ్యాటర్ కూడా ఈ రికార్డును సమం చేయలేకపోయారు. ఆ అవకాశం ఇప్పుడు వైభవ్ సూర్యవంశీకి దక్కనుంది.

English summary

Vaibhav Sooryavanshi could become the youngest-ever international centurion at the Asian Games 2026, breaking Shahid Afridi's 30-year-old world record.