ఫ్యాన్స్ చేసిన పనికి బిత్తరపోయిన రోహిత్ శర్మ (వీడియో)

భారత క్రికెట్ జట్టు మాజీ కేప్టెన్, డాషింగ్ ఓపెనర్ రోహిత్ శర్మకు చేదు అనుభవం ఎదురైంది. ముంబైలో తన భార్య, కుమారుడితో వెళ్తుండగా ఇద్దరు టీనేజ్ అభిమానులు ఆయనతో సెల్ఫీ తీసుకోవడానికి ప్రయత్నించారు. ఈ క్రమంలో అమర్యాదగా ప్రవర్తించారు. కారులోంచి చేయి అందించగా, వారు బలవంతంగా లాగడంతో రోహిత్ అసహనం వ్యక్తంచేశారు. వేలెత్తి చూపుతూ వారిని హెచ్చరించారు. కారు విండో గ్లాస్ ను పైకి ఎత్తారు.

రోహిత్ శర్మ తన కుమార్తె పుట్టినరోజు వేడుకల కోసం గుజరాత్ లోని జామ్‌నగర్ నుంచి ముంబైకి చేరుకున్నప్పుడు ఈ సంఘటన చోటు చేసుకుంది. దీనికి సంబంధించిన ఓ వీడియో సోషల్ మీడియాలో వైరల్ అయింది. దీనిపై నెటిజన్లు స్పందించారు. అభిమానానికి హద్దులు ఉండాలని, సెలెబ్రిటీలకు కొంత ప్రైవసీ తప్పదనీ చెబుతున్నారు. రోహిత్ పట్ల అమర్యాదగా ప్రవర్తించిన ఆ పిల్లలను తప్పుపట్టారు. రోహిత్ ప్రతిస్పందనను సమర్థించారు. అభిమానులు పరిమితులు పాటించాలని సూచించారు. వ్యక్తిగత భద్రతకు ఆయన ప్రాధాన్యత ఇవ్వడంలో తప్పు లేదని పేర్కొన్నారు.

సాధారణంగా ఫ్యాన్స్ ను ఎప్పుడూ హర్ట్ చేయడు రోహిత్ శర్మ. గ్రౌండ్ లో ఎంత సరదాగా ఉంటాడో.. బయట అంతే సరదాగా ఉంటాడు. తనను కలిసిన అభిమానులను ఆప్యాయంగా పలకరిస్తుంటాడు. సెల్ఫీలుగా దిగుతుంటాడు. వారిని ఏ మాత్రం నిరాశపర్చడు. తానో గొప్ప క్రికెటర్ అనే భావనను ఎప్పుడు కనపర్చనివ్వడు. కలివిడిగా ఉంటాడు. తరచుగా ప్రాక్టీస్ అనంతరం అభిమానులతో కలిసి స్నేహపూర్వకంగా ఫోటోలు దిగడం, ఆటోగ్రాఫ్‌లు ఇవ్వడం చేస్తుంటాడు.

Rohit Sharma got angry on his fans for misbehaving... 😡🤬

Rohit At the End : Daya, Jara Inko Garden Me Lekar Aao to, Vahi Khabar Leta Hu 😅 pic.twitter.com/cVvwAzuXFD

— Jara (@JARA_Memer) January 4, 2026

ఇప్పుడు కూడా రోహిత్ శర్మ.. తనను పలకరించడానికి వచ్చిన వారిని నిరాశపర్చలేదు. ఫొటో దిగాలని కోరగా.. రమ్మంటూ సైగ చేశాడు. వారిలో ఒకరికి షేక్ హ్యాండ్ సైతం ఇచ్చాడు. సెల్ఫీ కోసం చేయ్యి పట్టుకుని లాగడంతో పరిస్థితి ఇబ్బందికరంగా మారింది. వారి ప్రవర్తనపై అసహనానికి గురయ్యాడు రోహిత్. వారిని హెచ్చరిస్తూ, కారు కిటికీని పైకి ఎత్తాడు. ప్రస్తుతం రోహిత్ శర్మ.. న్యూజిలాండ్‌తో జరగనున్న వన్డే ఇంటర్నేషనల్స్ కు సన్నద్ధమవుతున్నాడు. విజయ్ హజారే ట్రోఫీలో సిక్కింపై ఇటీవలే 155 పరుగులు చేసి, ఫామ్ లోకి వచ్చాడు.

English summary

The clip shows Rohit inside his moving car, extending his hand out the window to greet his fans. One of the young admirers politely shook his hand. However, the situation quickly became uncomfortable when both kids tried to pull his hand out forcefully while attempting to take a selfie.