• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

'వికార' కుట్ర ఏమిటి?

By Staff
|

Vikaruddin
బాబ్రీ మసీదు కూల్చివేత తేదీ అయిన డిసెంబర్ 6వ తేదీన హైదరాబాదులో స్కూటర్ బాంబులు పేల్చేందుకు వికారుద్దీన్ కుట్ర చేసినట్లు భావిస్తున్నారు. ఏడాది కాలంగా అజ్ఞాతంలో ఉన్న వికారుద్దీన్ హైదరాబాదు రావడానికి అదే కారణమని అంటున్నారు. వికారుద్దీన్ దొంగిలించిన స్కూటర్ ను పోలీసులు గుర్తించారు. బుధవారంనాడు కౌంటర్ ఇంటలిజెన్స్ పోలీసులపై కాల్పులు జరిపి పారిపోయిన వికారుద్దీన్ అక్కడ వదిలిపెట్టిన స్కూటర్ స్వాధీనం చేసుకున్నారు. ఈ స్కూటరును సెప్టెంబర్ నెలలో దొంగిలించినట్లు పోలీసులు గుర్తించారు. ఇది బిఎఎస్ఎన్ఎల్ ఉద్యోగి యాదగిరికి చెందిన స్కూటరు అనే విషయాన్ని కూడా వారు నిర్ధారించుకున్నారు. తన స్కూటర్ పోయిన విషయంపై యాదగిరి అప్పట్లోనే సైదాబాదు పోలీసు స్టేషనులో ఫిర్యాదు చేశాడు. అయితే ఆ విషయాన్ని పోలీసులు పెద్దగా పట్టించుకోలేదు. దాని నెంబర్ ప్లేటు మార్చి వికారుద్దీన్ ముఠా వాడుతోంది. ఇలాగే ఈ ముఠా మరిన్ని స్కూటర్లను కూడా దొంగిలించినట్లు భావిస్తున్నారు. హైదరాబాదులోని దిల్ షుక్ నగర్లోని సాయిబాబ దేవాలయం వద్ద స్కూటర్ బాంబునే పేల్చారు. అదే తరహాలో డిసెంబరు 6వ తేదీన హైదరాబాదులోని పలు చోట్ల స్కూటర్ బాంబులను పేల్చాలని వికారుద్దీన్ ముఠా కుట్ర పన్నినట్లు అనుమానిస్తున్నారు.

హైదరాబాదులోని మక్కా మసీదులో పేలుడు అనంతరం వికారుద్దీన్ కనిపించకుండా పోయాడు. అప్పటి నుంచి రాష్ట్ర పోలీసులతోపాటు కేంద్ర నిఘా సంస్థలు కూడా వికారుద్దీన్ కోసం ప్రయత్నిస్తున్నాయి. జిజెఎస్ తో ఇతనికి సంబంధాలున్నాయి. సిమిలో కీలకంగా వ్యవహరిస్తున్నట్లు కూడా పోలీసులకు సమాచారం ఉంది. ఈ ఏడాది కాలంలో వికారుద్దీన్‌ ఒమన్‌, ఖతార్‌, బంగ్లాదేశ్‌లలో కొంతకాలం ఉన్నట్లు నిఘా వర్గాలు నిర్ధరణకు వచ్చాయి. బంగ్లాదేశ్ లోనే హైదరాబాదు పేలుళ్లకు పథకాన్ని సిద్ధం చేసుకుని తిరిగి వచ్చినట్లు భావిస్తున్నారు. తన కోసం తీవ్రంగా గాలిస్తున్న విషయం తెలిసి కూడా అతను వచ్చాడంటే పెద్ద కుట్రతోనే వచ్చాడని అనుమానిస్తున్నారు. పోలీసుల కళ్లు గప్పేందుకు అతను వేషాలు కూడా మారుస్తుంటాడని చెబుతున్నారు. ఉగ్రవాద చర్యల కోసం అతను పేలుడు పదార్థాల తయారీలోనే కాకుండా ఆధునిక సాంకేతిక పరిజ్ఞానంలో కూడా శిక్షణ పొందినట్లు తెలుస్తోంది. ప్రస్తుతం పోలీసుల అదుపులో ఇద్దరు వికారుద్దీన్ అనుచరులున్నట్లు తెలుస్తోంది. వారి నుంచి పూర్తి సమాచారం రాబట్టేందుకు ప్రయత్నిస్తున్నట్లు సమాచారం.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X