చిరుకి అంత సీన్ ఉందా?

హైదరాబాద్: చిరంజీవిని చూస్తే ఒక అమాయకు బాలుడు గుర్తుకు వస్తున్నాడు. గత ఎన్నికలకు ముందే ఆయనకు రాజకీయ చిత్రం తెలిసిపోయింది. కనీసం యాభై సీట్లు వస్తాయని, మనమే కీలక పాత్ర పోషించబోతున్నామని చెప్పిన మేధావులంతా ఇప్పుడు జంప్ అయ్యారు. తాను ఎన్టీఆర్ లాగా నేరుగా ముఖ్యమంత్రిని అవుదామని రాజకీయాల్లోకి వస్తే ఇలా జరిగిందేమిటబ్బా అనుకుంటూ చిరంజీవి "అబ్బ నీ కమ్మనీ దెబ్బ" పాటను విషాదంలో పాడుకుంటున్నారు.

మిత్రా లేకపోతే ప్రజారాజ్యం లేదని చెప్పిన చిరంజీవి ఇప్పుడు మిత్రా లేకుండానే షోను నడిపిస్తున్నారు. మీడియా ప్రాధాన్యత ఇప్పుడు చిరంజీవికి బాగా తెలిసి వచ్చింది. గతంలో ఆయన మీడియా అంటే సినిమా మీడియా అనుకునేవారు. సినిమా జర్నలిస్టులు కూడా చాలా మంది ఆయన కాళ్ళకు దండం పెట్టేవారు. పొలిటికల్ జర్నలిస్టులు "ఫ్యామిలీ టైప్" కాదని, అవసరమైతే వాయించేస్తారని చిరు తెలుసుకోడానికి ఎక్కువ సమయమే పట్టింది.

అయితే ఐదేళ్ళు ఆగే ఓపిక చంద్రబాబు నాయుడుకు లేకపోయినా చిరంజీవి తనదైన శైలిలో వేచి చూస్తున్నారు. ఎన్నికల చిహ్నం మార్చుకుని, సంస్ధాగతంగా పార్టీని బలోపేతం చేసుకుంటే వచ్చే ఐదేళ తర్వాత తానే ముఖ్యమంత్రి అవితానన్న నమ్మకంతో చిరంజీవి ఉన్నారు. కాంగ్రెస్ మేధావులకు కూడా అదే సంకేతం వచ్చింది. తదుపరి ఎన్నికల్లో కాంగ్రెస్ కు చాన్స్ ఉండదు, అంతర్గత కుమ్ములాటలు ఎదుర్కొంటున్న టిడిపి కి ఉండదు. తాజాగా రాజకీయాల్లోకి వచ్చిన చిరంజీవి ఆ అవకాశం ఉంటుందని ఒక అభిప్రాయం.