తారల ఇమేజే పెట్టుబడి

వ్యభిచారం చేస్తూ వర్ధమాన తారలు సైరాభాను, జ్యోతిలక్ష్మి పట్టుబడడంతో సినీ పరిశ్రమలోని మరో చీకటి కోణం వెలుగు చూసింది. డ్రగ్స్ వ్యవహారంలో హీరో రవితేజ సోదరులు పట్టుబడడంతో టాలీవుడ్ కు షాక్ తగిలింది. సైరాబాను, జ్యోతిల వ్యవహారం మరో షాక్. ఇలా టాలీవుడ్ కు దెబ్బ మీద దెబ్బ పడుతూనే ఉంది. అయితే, సినీ పరిశ్రమకు సంబంధించినంత వరకు వ్యభిచారం కొత్త విషయమేమీ కాదు. సినిమాల్లో హీరోయిన్ వేషాలు వేయాలని ఆశపడి హైదరాబాదు చేరుకుంటున్న యువతులు చాలా మంది ఈ మురికి కూపంలో చిక్కుకంటున్నారనే విషయం అందరికీ తెలిసిందే. అలాగే, ఎక్స్ ట్రా ఆర్టిస్టులు, డ్యాన్సర్లు వచ్చే ఆదాయం సరిపోక దాంట్లోకి దిగుతున్నట్లు ప్రచారంలో ఉంది. కొందరు ఇష్టపూర్వకంగా దాంట్లోకి దిగుతుంటే, కొంత మంది మాయవాటలను నమ్మి మరి కొందరు మోసపోతున్నారు. తారల ఇమేజ్ ను పెట్టుబడిగా పెట్టి లక్షలకు లక్షలు సంపాదిస్తున్న వైనం సైరాబాను, జ్యోతిల వ్యవహారం తెలియజేస్తోంది.

గతంలో భువనేశ్వరి అనే వర్ధమాన తార కూడా సెక్స్ రాకెట్ లో పోలీసులకు చిక్కింది. భువనేశ్వరి ఏకంగా ఓ బ్రోతలే నడిపిందంటూ అప్పట్లో ప్రచారం జరిగింది. ఇలాంటి వారు సినీ పరిశ్రమలో చాలా మంది ఉన్నారని అంటారు. అలాగే, విజయలక్ష్మి అలియాస్ సీమా కూడా వ్యభిచారం కేసులో పట్టుబడింది. ఆమె తన తల్లితో పాటు పోలీసులకు చిక్కింది. సైరాభాను, జ్యోతిల వ్యవహారంతో ఈ విషయం మరోసారి చర్చనీయాంశమైంది. తమిళ, తెలుగు నటి రంజిత గురించి అందరికీ తెలిసిందే. స్వామి నిత్యానందతో సెక్స్ చేస్తూ ఆమె వీడియోకు చిక్కింది. ఈ వ్యవహారం దేశవ్యాప్తంగా దుమారం రేపిన విషయం తెలిసిందే.

అసలు మొత్తం సినీ పరిశ్రమ తీరుతెన్నులే మారిపోయాయి. వలువలు విప్పేసి విలువలకు తిలోదకాలిస్తున్న వైనాన్ని చూస్తున్నాం. టీవీల్లో, సినిమాల్లో అంగాంగ ప్రదర్శన తప్పనిసరి సరుకుగా మారింది. ఈ ధోరణలు బయట కూడా కనిపిస్తున్నాయి. టీవీల్లో, సినిమాల్లో నటించిన తారల మీద బయటి ప్రపంచానికి మోజు ఎక్కువ ఉంటుంది. వారితో పొందు కోసం ఎన్ని డబ్బులైనా పెట్టే వారుంటారు. ఆ మోజును క్యాష్ చేసుకుంటున్నవారు ఉన్నారు. ఇందులో తారలు సమిధలే. బతుకు దెరువు కోసమో, అత్యానిధుక లైఫ్ స్టయిల్ కోసమో, వేషాల కోసం డబ్బులకు ఆశపడి ఈ రొంపిలోకి దిగుతున్నవారు తారలు. అన్ని రంగాల్లో ఇటువంటి పోకడలుంటాయి. అయితే సినిమా అనే సరికి అది అత్యంత ఆకర్షణీయమైన ప్రపంచం. అందువల్ల ఆ రంగంలోని సంఘటనలు ప్రజలను ఎక్కువగా ఆకర్షిస్తాయి. దీన్ని సొమ్ము చేసుకోవడానికి మీడియా ప్రయత్నిస్తోంది.