జైల్లో ఉన్నా వారివి రాజభోగాలే!

ఈ మధ్య జైళ్లకు వెళుతున్న ప్రముఖులంతా అక్కడా రాజభోగాలే అనుభవిస్తున్నారు! ప్రత్యేక సదుపాయాల పేరుతో వారంతా జైళ్లోనే ఇంట్లో ఉన్నప్పటి కంటే దర్జాగా గడిపేస్తున్నారు! సత్యం కుంభకోణం కేసులో రామలింగ రాజు ద్వారా సుపరిచితమైన ప్రత్యేక సదుపాయాలు ఇటీవల బాగా వినిపిస్తోంది. ఓబుళాపురం మైనింగ్ కార్పోరేషన్‌లో అరెస్టైన గాలి జనార్ధన్ రెడ్డి, శ్రీనివాస్ రెడ్డిలు తమకు ప్రత్యేక సదుపాయాలు కావాలని కోర్టులో పిటిషన్ దాఖలు చేశారు. ఆ తర్వాత ఎమ్మార్ కేసులో అరెస్టైన కోనేరు ప్రసాద్, ఓఎంసి కేసులో జైలుకొచ్చిన రాజగోపాల్ కూడా ప్రత్యేక సదుపాయాలు అనుభవిస్తున్నారు.

రెండు రోజుల క్రితం అరెస్టైన శ్రీలక్ష్మి కూడా అప్పుడే తనకు ప్రత్యేక సదుపాయాలు కల్పించాలని కోర్టులో పిటిషన్ వేశారు. ఈమె పిటిషన్ వాయిదా పడింది. ప్రత్యేక సదుపాయాల ద్వారా వీరు స్పెషల్ భోజనం తెప్పించుకోవచ్చు, న్యూస్ పేపర్లు, లాప్ టాప్‌లు ఇలా తదితర కొన్నింటిని వినియోగించుకోవచ్చు. సాధారణ ఖైదీలా ఉంటే చిన్న చూపు చూస్తారనో మరేమిటో కానీ తప్పులు చేసినప్పటికీ వారు ఇంట్లోలా దర్జాగా గడపడం విశేషం!

English summary

Gali Janardhan Reddy, Koneru Prasad and Rajagopal getting special facilitates in chanchalguda Jail.