• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

వైయస్ జగన్‌తో చంద్రబాబు ఢీ

By Pratap
|

Chandrababu Naidu
వైయస్సార్ కాంగ్రెసు పార్టీ అధ్యక్షుడు వైయస్ జగన్‌ను ఢీకొట్టడానికి తెలుగుదేశ పార్టీ అధ్యక్షుడు నారా చంద్రబాబు నాయుడు సిద్ధపడ్డారు. మహానాడులో చేసిన అధ్యక్షోపన్యాసంలో ఆయన జగన్‌పై ఎదురుదాడికి దిగారు. కాంగ్రెసుతో తాను కమ్మక్కయినట్లు జగన్ చేసిన ఆరోపణలను తిప్పికొట్టడానికి ఆయన తన సహజ ధోరణికి భిన్నంగా రెచ్చిపోయారు. ప్రభుత్వాన్ని పడగొట్టడానికి తాము ఏ మాత్రం వెనకాడబోమని ఆయన చెప్పారు. తనకు ఉన్న శానససభ్యులతో ప్రభుత్వాన్ని పడగొట్టడానికి వైయస్ జగన్ ముందుకు రావాలని, అప్పుడు తాము సిద్ధంగా ఉంటామని ఆయన చెప్పారు.

చంద్రబాబు ప్రభుత్వంపై అవిశ్వాసాన్ని ప్రతిపాదించడం లేదని, కాంగ్రెసుతో కుమ్మక్కు కావడం వల్లనే చంద్రబాబు ఆ పని చేయడం లేదని వైయస్ జగన్ పదే పదే అంటున్నారు. చంద్రబాబును రెచ్చగొట్టడానికే వైయస్ జగన్ ఆ వ్యాఖ్యలు చేస్తున్నారని అర్థం చేసుకోవచ్చు. ప్రభుత్వాన్ని పడగొట్టడం తన వల్ల సాధ్యం కాదు కాబట్టి చంద్రబాబు ద్వారా ఆ పని చేయించాలని జగన్ వ్యూహం కావచ్చు. కానీ, చంద్రబాబు తన రాజకీయ అనుభవాన్ని మేళవించి జగన్‌కు సమాధానం ఇచ్చారు.

తనకు మద్దతు ఇస్తున్న శానససభ్యులతో వైయస్సార్ కాంగ్రెసు పార్టీ గవర్నర్ వద్దకు వెళ్లాలని, అప్పుడు గవర్నర్ బలపరీక్షకు ఆదేశించే అవకాశం ఉంటుందని, అలాంటి పరిస్థితి వచ్చినప్పుడు తప్పకుండా తాము ప్రభుత్వానికి వ్యతిరేకంగా ఓటు చేస్తామని ఆయన అన్నారు. అంటే, సాంకేతికమైన సమాధానం మాత్రమే చంద్రబాబు ఇచ్చారు. రాజకీయంగా ఎదుర్కోవడానికి మాత్రమే ఆయన జగన్‌పై ఆ వ్యాఖ్యలు చేశారని చెప్పవచ్చు. అవిశ్వాస తీర్మానం ప్రతిపాదించడానికి గానీ గవర్నర్ వద్దకు వెళ్లడానికి గానీ జగన్ వద్ద తగిన సంఖ్యాబలం లేదనే విషయం చంద్రబాబుకు తెలుసు. అందుకే జగన్‌కు చంద్రబాబు ఆ విధమైన సవాల్ విసిరారని చెప్పవచ్చు.

వైయస్సార్ కాంగ్రెసు పార్టీ అధ్యక్షుడు వైయస్ జగన్‌పై ఆయన తీవ్ర వ్యాఖ్యలు చేశారు. అయితే, ఆయన జగన్ పేరు ఎత్తడానికి ఇష్టపడలేదు. ఓసారి అనుకోకుండా పేరు ఉచ్చరించి వెనక్కి తగ్గి వైయస్సార్ కాంగ్రెసు పార్టీ అన్నారు. గతంలో తెలంగాణ పేరు ఎత్తడానికి ఇష్టపడని చంద్రబాబు ఇప్పుడు వైయస్ జగన్ పేరు నోటితో పలకడానికి ఇష్టపడడం లేదని అంటున్నారు.

English summary
It is clear that TDP president N Chandrababu Naidu has prepared to face YSR Congress party president YS Jagan.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X