వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

బాలయ్యకు దాసరి పొలిటికల్ లైఫ్?

By Pratap
|
Google Oneindia TeluguNews

Parama Veera Chakra
పరమవీర చక్ర సినిమా ద్వారా ప్రముఖ దర్శకుడు దాసరి నారాయణరావు హీరో నందమూరి బాలకృష్ణకు రాజకీయ జీవితాన్ని ఇస్తారా అనే ప్రశ్న ఉదయిస్తోంది. చంద్రబాబు నాయకత్వంలోని తెలుగుదేశం పార్టీలో బాలకృష్ణ క్రియాశీలక పాత్ర పోషిస్తున్నారు. అయితే, రాజకీయంగా స్వర్గీయ ఎన్టీ రామారావు మాదిరిగా ఓ ఆకర్షణశక్తిగా మారి, ప్రజలను కూడగట్టే శక్తిని దాసరి నారాయణ రావు తీసిన పరమవీర చక్ర సినిమా బాలయ్యకు పనికి వస్తుందనే ప్రచారం జరుగుతోంది. బెబ్బులిపులి సినిమాతో ఎన్టీ రామారావుకు దాసరి నారాయణ రావు తిరుగులేని శక్తిని సమకూర్చారనే మాట అందరికీ తెలిసిందే. రాజకీయాల్లో సత్తా చాటడానికి బెబ్బులిపులి సినిమా కూడా ఎన్టీ రామారావుకు ఉపయోగపడింది. బెబ్బులిపులి సినిమాతో పరమవీర చక్రను పోలుస్తున్నారు.

పరమవీరచక్ర సినిమా కూడా దాదాపుగా బెబ్బులిపులి సినిమా మాదిరిగానే ఉందని అంటున్నారు. బాక్సాఫీసు వద్ద అదే విజయాన్ని సాధిస్తుందని అంటున్నారు. బెబ్బులిపులి సినిమాలో ఎన్టీ రామారావు వివిధ వీరుల వేషాల్లో కనిపిస్తారు. అదే రీతిలో పరమవీర చక్రలో బాలయ్య కనిపిస్తున్నారు. దేశాన్ని కాపాడే సైనికుడి పాత్రలో బాలయ్య కనిపిస్తాడు. అదే సమయంలో దేశంలోని దుష్టశక్తుల ఆటకట్టించే సాహసవీరుడిగా దర్శనమిస్తున్నాడు. డైలాగ్ డెలివరీలో, వాచకంలో, నటనలో ఎన్టీఆర్ ‌ను గుర్తుకు తెచ్చే విధంగా ఉందని అంటున్నారు.

బాలయ్యను డైరెక్టు చేస్తున్నప్పుడు తాను ఎన్టీ రామారావును డైరెక్ట్ చేస్తున్నట్లుగానే భావించానని దాసరి నారాయణ రావు చెప్పుకున్నారు. ఎన్టీ రామారావుకు హిట్ ఇచ్చినట్లుగానే బాలయ్యకు హిట్ ఇవ్వాలని దాసరి నారాయణ రావు పరమవీర చక్ర సినిమాకు రూపకల్పన చేశారు. సింహ సినిమాతో ఊపు మీదున్న బాలయ్యకు పరమవీర చక్ర మరింత ఉత్సాహాన్ని సమకూరుస్తుందని అంటున్నారు. పరమవీర చక్ర దాసరి ఉద్దేశించిన లక్ష్యాలను సాధిస్తుందా లేదా అనేది వేచి చూడాల్సిందే.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X