పార్లమెంటులో తెలంగాణ బిల్లు లేనట్లే!

శీతాకాలపు పార్లమెంటు సమావేశాలలోనే తెలంగాణ బిల్లు పెట్టాలన్న తెలంగాణవాదుల ఆకాంక్ష నెరవేరే అవకాశాలు కనిపించడం లేదు. నవంబర్ 22న ప్రారంభమైన పార్లమెంటు సమావేశాలు మరో వారం రోజుల్లో ముగియనున్నాయి. ఈ నేపథ్యంలో ఇప్పటికిప్పుడు తెలంగాణ బిల్లు ప్రవేశ పెట్టే పరిస్థితి కనిపించడం లేదు. అంతేకాదు కాంగ్రెసు పార్టీ ముఖ్య నేతల వ్యాఖ్యలు చూసినా అది స్పష్టంగా కనిపిస్తోంది. తెలంగాణ ఇచ్చేది మేమే తెచ్చేది మేమే అన్న తెలంగాణ కాంగ్రెసు ఎంపీలు లోకసభలో మొక్కుబడిగా నిరసన వ్యక్తం చేస్తున్నారు. వారి నిరసనకు ఎలాంటి స్పందన లేదు. సరికదా పార్టీ అధిష్టానం నుండి వారికి మొట్టికాయలు పడుతున్నాయి.

తెలంగాణపై తేల్చకుంటే పార్టీ వీడేందుకు కూడా సిద్ధమని ప్రకటించి తెలంగాణ కాంగ్రెసు నేతలు, శీతాకాల సమావేశాల్లో బిల్లు పెట్టకుంటే ఉద్యమం ఉధృతమవుతుందని హెచ్చరించిన టిఆర్ఎస్, తెలంగాణ జెఏసి కూడా మొక్కుబడి ప్రకటనలకు పరిమితమయ్యాయి. సమావేశాలు మరోవారం మాత్రమే ఉన్నాయి. ఇలాంటి పరిస్థితుల్లో బిల్లు పెట్టే అవకాశాలు లేవనే చెప్పవచ్చు. కానీ జెఏసి నుండి కానీ, టిఆర్ఎస్ నుండి కానీ సరియైన ప్రతిఘటన కనిపించడం లేదు. ఇక మా వెనుక నడవండి మేం తెలంగాణ తెస్తామన్న టిటిడిపి తీరు కూడా ఇందుకు మినహాయింపుగా లేదు.

English summary

It seems, Telangana bill may not produced in this parliament sessions. But TRS, TDP, Congress and TJAC is not responding about it seriously.