వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

అన్నయ్య రాజకీయాలతో పవన్ కలత

By Pratap
|
Google Oneindia TeluguNews

Pawan Kalyan
అన్నయ్య చిరంజీవి రాజకీయాలతో తమ్ముడు పవన్ కళ్యాణ్ తీవ్ర అసంతృప్తితో ఉన్నట్లు సమాచారం. ప్రజారాజ్యం పార్టీ అధ్యక్షుడు చిరంజీవిని ప్రస్తుత రాజకీయాలు ఏం చేస్తాయోనని ఆయన కలత చెందుతున్నట్లు చెబుతున్నారు. అన్నయ్యపై అసంతృప్తితో ఆయన క్రియాశీలక రాజకీయాలకు స్వస్తి చెప్పుతున్నారు. ప్రజారాజ్యం పార్టీ కాంగ్రెసులో విలీనం కాబోతోందని, వివరాలు అన్నయ్యనే వెల్లడిస్తారని ఆయన చెప్పారు. ప్రజారాజ్యం పార్టీ కాంగ్రెసు విలీనం కావడం ఖాయమని ఆయన మాటలను బట్టి స్పష్టమవుతోంది. నిజానికి, పవన్ కళ్యాణ్ క్రియాశీలక రాజకీయాలకు దూరమై చాలా కాలమే అవుతోంది. రాజకీయాల్లో అన్నయ్యను నెంబర్ వన్‌గా నిలబెట్టాలనే కల సాకారం కాకపోవడంతో ఆయన తీవ్రంగా మనస్తాపానికి గురై రాజకీయాలకు దూరమై సినిమాలపై దృష్టి కేంద్రీకరించారు.

గత ఎన్నికల్లో యువరాజ్యం అధ్యక్షుడిగా పవన్ కళ్యాణ్ చిరంజీవి కోసం పెద్ద యెత్తున ప్రచారం సాగించారు. ఇతర పార్టీలపై తీవ్రమైన వ్యాఖ్యలతో ఆయన ముందుకు దూసుకెళ్లారు. కాంగ్రెసు నాయకులను పంచెలూడదీసి కొట్టాలని ఆయన ఎన్నికల్లో పిలుపునిచ్చారు. ఆ వ్యాఖ్యనే ఇప్పుడు వివాదంగా మారింది. అలాంటి వ్యాఖ్యలున చేసిన ప్రజారాజ్యం పార్టీని కాంగ్రెసులోకి ఎలా అహ్వానిస్తారని కాంగ్రెసులోని కొంత మంది ప్రశ్నిస్తున్నారు. పవన్ కళ్యాణ్ వ్యాఖ్యను వారు గుర్తు చేస్తున్నారు. అంత తీవ్రంగా ముందుకు నడిచిన పవన్ కళ్యాణ్‌ను ప్రజారాజ్యం పార్టీ వ్యవహారాలు తీవ్ర నిస్సత్తువకు గురి చేసినట్లు చెబుతారు.

పార్టీ వ్యవహారాల్లో చిరంజీవి బావ మరిది, నిర్మాత అల్లు అరవింద్ ప్రాబల్యం పెరుగుతూ పోయింది. దాంతో ప్రజారాజ్యం పార్టీ కాంగ్రెసు పట్ల మెతక వైఖరి అవలంబిస్తూ వచ్చింది. ఈ క్రమంలో అది ఇష్టపడని పవన్ కళ్యాణ్ పార్టీకి దూరమయ్యారని అంటారు. ఆ తర్వాత క్రమంగా కాంగ్రెసు పార్టీకి సన్నిహితమవుతూ విలీనం దాకా వచ్చింది. ఈ పరిణామాలేవీ పవన్ కళ్యాణ్‌కు నచ్చడం లేదని చెబుతున్నారు. ఈ స్థితిలో ఆయనకు రాజకీయాలపై విసుగు, వైరాగ్యం వచ్చినట్లు చెబుతున్నారు. అయితే, తన వైముఖ్యాన్ని, వైరాగ్యాన్ని బహిరంగంగా వ్యక్తం చేయడానికి ఆయన ఏ మాత్రం ఇష్టపడడం లేదని తెలుస్తోంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X