డిఎస్తో తెలంగాణ దూకుడుకు కళ్లెం
కాంగ్రెసు అధిష్టానం ఆలోచనకు అనుగుణంగానే తెలంగాణ కాంగ్రెసు నాయకులు చాలా మంది మళ్లీ డిఎస్ పక్కన చేరడానికి ఉవ్విళ్లూరుతున్నారు. డిఎస్ నామినేషన్ సందర్భంగా చేసిన హడావిడి కూడా ఆ విషయాన్ని పట్టిస్తోంది. పలువురు తెలంగాణ నాయకులు ఆయనను అభినందించడానికి పోటీ పడ్డారు. డిఎస్ ఎంపిక తెలంగాణకు అనుకూలంగా పనిచేస్తుందని మంత్రి సారయ్య అన్నారు. తీవ్రమైన ప్రకటనలు చేయకుండా, సంయమనంతో అధిష్టానం అప్పగించిన పనిని చేసుకుని వెళ్లే తత్వం డి. శ్రీనివాస్ది. అందువల్లనే తెలంగాణ ఆపరేషన్ను డిఎస్కు అప్పగించినట్లు భావిస్తున్నారు.
ముఖ్యమంత్రి కిరణ్ కుమార్ రెడ్డి మంత్రి వర్గ విస్తరణలో డిఎస్కు స్థానం దక్కుతుందని అంటున్నారు. అలాగే శాసన మండలి సభా నాయకుడిగా కూడా డిఎస్ ఎంపికయ్యే అవకాశం ఉంది. ఈ స్థితిలో డిఎస్ చుట్టూ తెలంగాణ నాయకులు ర్యాలీ అవుతారని, దానివల్ల తెలంగాణ నాయకులను చల్లబరచవచ్చునని అధిష్టానం భావించినట్లు చెప్పవచ్చు. ఉప ముఖ్యమంత్రి దామోదర రాజనర్సింహ వల్ల ఆ పని సరిగా జరగడం లేదనే అభిప్రాయంతో డిఎస్ సేవలను వాడుకోవాలని అధిష్టానం ఆలోచిస్తున్నట్లు చెబుతున్నారు.
Click it and Unblock the Notifications
Sign in with Google