• search
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

హరికృష్ణ దూరం: బాబు తెలంగాణ వైఖరిపైనే?

By Pratap
|
Harikrishna
హైదరాబాద్: తెలుగుదేశం పార్టీ రాజ్యసభ సభ్యుడు, సర్గీయ ఎన్టీ రామారావు కుమారుడు నందమూరి హరికృష్ణ పార్టీ అధ్యక్షుడు నారా చంద్రబాబు నాయుడికి దూరమైనట్లే భావిస్తున్నారు. వారసత్వపోరుతో పాటు తెలంగాణ అంశం కూడా ఇరువురి మధ్య దూరం పెంచినట్లు భావిస్తున్నారు. తెలంగాణపై చర్చించి నిర్ణయం తీసుకోవడానికి కరీంనగర్ జిల్లాలో ఈ నెల 27వ తేదీన ఏర్పాటు చేసిన పోలిట్‌బ్యూరో సమావేశానికి హరికృష్ణ హాజరు కాలేదు.

తెలంగాణపై చంద్రబాబు తీసుకునే నిర్ణయం తెలిసే హరికృష్ణ సమావేశానికి డుమ్మా కొట్టినట్లు భావిస్తున్నారు. చంద్రబాబు తెలంగాణ అనుకూల వైఖరిని ఆయన తీవ్రంగా వ్యతిరేకిస్తున్నారని అంటున్నారు. గతంలో హరికృష్ణ తెలంగాణకు వ్యతిరేకంగా, సమైక్యాంధ్రకు మద్దతుగా బహిరంగంగా మాట్లాడారు. తమ తండ్రి తెలుగుజాతి ఆత్మగౌరవం కోసం పోరాటం చేశారని, తెలుగుజాతి ఐక్యత కోసం ప్రయత్నాలు చేశారని హరికృష్ణ నమ్ముతున్నారు.

తన తండ్రి ఎన్టీ రామారావు ఆశయాలకు భిన్నంగా తెలంగాణకు అనుకూలంగా చంద్రబాబు నిర్ణయం తీసుకున్నారనేది హరికృష్ణ అసంతృప్తికి కారణమని చెబుతున్నారు. తన వ్యతిరేకతకు పెద్దగా గుర్తింపు ఉండే అవకాశాలు కూడా లేకపోవడంతో ఆయన పోలిట్‌బ్యూరో సమావేశానికి హాజరు కాలేదని అంటున్నారు. మరోవైపు, ఆయన సోదరుడు బాలకృష్ణ చంద్రబాబుకు పూర్తి మద్దతుగా నిలిచారు.

తెలంగాణపై ఆ మధ్య చేసిన ప్రకటనను కూడా హరికృష్ణ వ్యతిరేకించారు. బాలకృష్ణ మాత్రం మద్దతు తెలిపారు. చంద్రబాబు కూడా హరికృష్ణను పెద్దగా పట్టించుకోవడం లేదని అంటున్నారు. హరికృష్ణ పార్టీలో క్రియాశీలకంగా లేకున్నా ఫరవా లేదనే పద్ధతిలో ఆయన వ్యవహరిస్తున్నట్లు చెబుతున్నారు. ఇదే సమయంలో చంద్రబాబు తనయుడు నారా లోకేష్ రాజకీయంగా క్రియాశీలకంగా మారారు.

తాము తెలంగాణకు అనుకూలంగా 2008లో తీసుకున్న నిర్ణయానికి కట్టుబడ్డామని చంద్రబాబు చెప్పారు. ఇదే విషయాన్ని అఖిల పక్ష భేటీలో తెలుగుదేశం నాయకులు చెప్పారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని chandrababu naidu వార్తలుView All

English summary
It is said that NTR's son and Telugudesam Rajyasabha member Nandamuri Harikrishna has distanced from party president Nara Chandrababu Naidu on Telangana issue.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more