• search
ఏలూరు వార్తల కోసం
నోటిఫికేషన్స్ పై క్లిక్ చేయండి  

కావూరి రాజీనామాలో ట్విస్టు, మెలిక

By Pratap
|
Kavuri Sambasiva Rao
న్యూఢిల్లీ: కాంగ్రెస్ సీనియర్ నేత, ఏలూరు లోక్‌సభ సభ్యుడు కావూరి సాంబశివ రావు రాజీనామా లేఖలో ట్విస్టు చోటు చేసుకున్నట్లు తెలుస్తోంది. తన రాజీనామా లేఖలో ఆయన ఓ మెలిక పెట్టారట. దీంతో తనకు కావూరి సాంబశివరావు అందజేసిన రాజీనామా లేఖపై లోకసభ స్పీకర్ మీరాకుమార్‌ ఇప్పుడిప్పుడే నిర్ణయం తీసుకునే అవకాశం లేదని అంటున్నారు.

రాజీనామా పత్రంలో కావూరి కొన్ని షరతులు పెట్టారని అంటున్నారు. దాంతో మీరా కుమార్ ఇప్పుడిప్పుడే దానిపై నిర్ణయం తీసుకునే అవకాశాలు లేవని అంటున్నారు. కావూరి పేర్కొన్న షరతుల కారణంగా రాజీనామాను ఆమోదించాల్సి వస్తే, వచ్చే ఏడాది జనవరి మొదటివారం వరకూ ఆగక తప్పని స్థితి ఉందని చెబుతున్నారు.

ప్రధాని మన్మోహన్ సింగ్ ఇటీవల చేపట్టిన కేంద్ర మంత్రివర్గం పునర్వ్యవస్థీకరణలో చోటు లభించనందుకు ఆగ్రహించిన కావూరి లోక్‌సభ సభ్యత్వానికి రాజీనామా చేస్తూ లేఖను కాంగ్రెస్ అధ్యక్షురాలు సోనియా గాంధీకి కూడా పంపిన విషయ తెలిసిందే. ఈ పరిస్థితుల్లోనే కావూరి ఇటీవల లోక్‌సభ స్పీకర్ మీరాకుమార్‌ను కలిసి స్వయంగా రాజీనామా లేఖ అందించారు.

అయితే కావూరి సాంబశివరావు తన రాజీనామా లేఖను 2013 జనవరి 1 తరువాతే అమల్లోకి వచ్చేలా ఆమోదించాలని షరతు విధించినట్టు సమాచారం. కావూరి సాంబశివ రావు షరతులతో కూడిన రాజీనామా లేఖను పంపించటంతో స్పీకర్ మీరాకుమార్ దాన్ని పెండింగ్‌లో పెట్టినట్టు తెలిసింది. లోక్‌సభ సభ్యత్వానికి రాజీనామా చేసిన కావూరి కాంగ్రెస్ ప్రాథమిక సభ్యత్వానికీ రాజీనామా చేయాలని యోచిస్తోన్న విషయం తెలిసిందే.

లోక్‌సభ సభ్యత్వానికి రాజీనామా చేసిన కావూరి పార్లమెంటు శీతాకాల సమావేశాలకు హాజరు కావటం లేదు. రాజీనామా లేఖను వెనక్కి తీసుకోవాలని పార్టీ అధిష్టానం పెద్దలతో పాటు ముఖ్యమంత్రి కిరణ్ కుమార్ రెడ్డి కోరినా కావూరి సాంబశివరావు వినలేదు. ప్రధాని డాక్టర్ మన్మోహన్ సింగ్ స్వయంగా ఆహ్వానించి చెప్పినా రాజీనామాను వెనక్కి తీసుకోవడానికి మొండికేశారు. అయితే, సోనియా గాంధీ పిలిస్తే ఆలోచన చేస్తానని ఆయన ఇటీవల అన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని ఏలూరు వార్తలుView All

English summary
It issaid that Congress Eluru Loksabha member Kavuri Sambasiva Rao has inserted a condition to accept his resignation.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more