• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తెలంగాణకు పచ్చజెండా: హైదరాబాద్ మిస్టరీ?

By Pratap
|

హైదరాబాద్: తెలంగాణ రాష్ట్ర ఏర్పాటుకు కాంగ్రెసు పచ్చజెండా ఊపినట్లు కాస్తా బలమైన సంకేతాలే అందుతున్నాయి. ఇప్పటి పరిస్థితి అయితే తెలంగాణ రాష్ట్ర ఏర్పాటుకు కాంగ్రెసు అధిష్టానం సుముఖంగా ఉన్నట్లు, రాష్ట్ర విభజనకు అవసరమైన సాంకేతిక లాంఛనాలను కూడా పూర్తి చేస్తున్నట్లు వార్తలు వస్తున్నాయి. తెలంగాణ రాష్ట్ర ఏర్పాటు విషయంలో రాష్ట్ర రాజధానిగా ఉన్న చారిత్రక నగరం హైదరాబాదు కీలకంగా మారింది. హైదరాబాదు కారణంగానే సీమాంధ్ర నాయకులు తెలంగాణను వ్యతిరేకిస్తున్నారనే అభిప్రాయం కూడా బలంగానే ఉంది.

హైదరాబాదుతో కూడిన తెలంగాణను మాత్రమే అంగీకరిస్తామని, హైదరాబాదు లేని తెలంగాణను తాము అంగీకరించబోమని పార్టీలకు అతీతంగా తెలంగాణ నాయకులు అంటున్నారు. హైదరాబాదు రాజధానిగా తెలంగాణ రాష్ట్రం ఏర్పడాలనేది తెలంగాణవాదుల బలమైన డిమాండ్. అయితే, హైదరాబాదును తెలంగాణకు రాజధానిగా ఉంచుతూనే మరో ఎత్తుగడకు కాంగ్రెసు అధిష్టానం తెర లేపుతోందా అనే అనుమానాలు వ్యక్తమవుతున్నాయి.

హైదరాబాదును ప్రత్యేక మండలిగా ఏర్పాటు చేస్తారనే ఊహాగానాలు కూడా చెలరేగుతున్నాయి. సింగపూర్ మాదిరిగా హైదరాబాదును ఏర్పాటు చేయడానికి ప్రణాళికలు సిద్ధమవుతున్నట్లు పుకార్లు చెలరేగుతున్నాయి. తెలంగాణ రాజధానిగా హైదరాబాదును నిర్ధారిస్తూ ప్రత్యేక మండలిగా ఏర్పాటు చేస్తారని అంటున్నారు. రంగారెడ్డి జిల్లాను, నల్లగొండ, మహబూబ్‌నగర్ జిల్లాల్లోని కొన్ని ప్రాంతాలను కలిపి ప్రత్యేక మండలిగా ఏర్పాటు చేస్తారనే ప్రచారం సాగుతోంది.

Statehood for Telangana OK, Hyderabad is key

సీమాంధ్ర రాజకీయ నాయకులు పెద్ద యెత్తున పెట్టుబడులు పెట్టడం వల్ల వారి ఆస్తులకు రక్షణ కల్పించడానికి, హైదరాబాదును అంతర్జాతీయ స్థాయి నగరంగా తీర్చిదిద్దడానికి, విదేశీ పెట్టుబడులకు అనుకూలంగా మార్చేందుకు ప్రత్యేక మండలిని ఏర్పాటు చేస్తారని అంటున్నారు. దేశంలోని కొన్ని ప్రధానమైన నగరాలను ఇలా ప్రత్యేకంగా తన ఆధ్వర్యంలో అంతర్జాతీయ నగరాలుగా తీర్చి దిద్ది, విదేశీ పెట్టుబడులకు అనుకూలంగా మార్చేందుకు కేంద్రం ప్రయత్నాలు చేస్తున్నట్లు చెబుతున్నారు. ఇందులో హైదరాబాదును మొదటి నగరంగా తీసుకునే అవకాశాలు కూడా ఉన్నాయని చెబుతున్నారు.

అంటే, రాష్ట్ర విభజనను అవకాశంగా తీసుకుని హైదరాబాదును ప్రయోగాలకు కేంద్రంగా మార్చే అవకాశాలున్నట్లు చెబుతున్నారు. శాంతిభద్రతలకు విఘాతం కలగకుండా, ప్రశాంత వాతావరణం నెలకొనేలా చేయడం ద్వారా విదేశీ పెట్టుబడులను హైదరాబాదుకు పెద్ద యెత్తున ఆహ్వానించవచ్చునని భావిస్తున్నట్లు చెబుతున్నారు. అయితే, తెలంగాణ ఏర్పాటుకు కేంద్ర ప్రభుత్వం రోడ్ మ్యాప్‌ను ప్రకటిస్తే తప్ప అసలు విషయం తెలిసేట్లు లేదు. అంతవరకు హైదరాబాదు ఓ మిస్టరీగానే ఉండిపోతుంది.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

హైదరాబాద్ యుద్ధ క్షేత్రం
జనాభా గణాంకాలు
జనాభా
21,84,467
జనాభా
  • గ్రామీణ ప్రాంతం
    0.00%
    గ్రామీణ ప్రాంతం
  • పట్టణ ప్రాంతం
    100.00%
    పట్టణ ప్రాంతం
  • ఎస్సీ
    3.89%
    ఎస్సీ
  • ఎస్టీ
    1.24%
    ఎస్టీ

English summary
It is said that though congress high command is firm to carve Telangana state, mystery is created around historical Hyderabad city.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more