• search

చిరు నాయక్ అవుతారా?: ఎన్నో అనుమానాలు

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Chiranjeevi
    కేంద్ర పర్యాటక శాఖ మంత్రి చిరంజీవి కల వచ్చే ఎన్నికల్లో నెరవేరుతుందా? ఇది ఇప్పుడు రాష్ట్ర కాంగ్రెసు వర్గాల్లో ముఖ్యంగా చిరంజీవి వర్గం మదిలో మెదులుతున్న ప్రశ్న. చిరంజీవిని ముఖ్యమంత్రిగా చూడాలని ఆయన అభిమానులతో పాటు పలువురు కాంగ్రెసు నాయకులు భావిస్తున్నారు. అయితే, ప్రస్తుతం చిరంజీవి తీరు చూస్తే ఆ కోరిక నెరవేరే అవకాశాలు ఉన్నాయా? అనే ప్రశ్న వారిలోనే తలెత్తుతోందట.

    అందుకు పలు కారణాలు ఉన్నాయని అంటున్నారు. ముఖ్యమంత్రి కావాలన్న కోరికతోనే చిరంజీవి ప్రజారాజ్యాన్ని స్థాపించారు. కానీ, 18 సీట్లతో సరిపెట్టుకున్నారు. వైయస్ రాజశేఖర రెడ్డి మృతి తర్వాత తన పార్టీని కాంగ్రెసులో కలిపేయడం ద్వారా ఇలా కాంగ్రెసు ద్వారా తన కలను నెరవేర్చుకోవాలనుకున్నారు. పార్టీలో అప్పుడే విలీనం చేసినందున 2014లో సిఎం అభ్యర్థిగా చిరంజీవికి కాంగ్రెసు పార్టీ అధిష్టానం హామీ ఇచ్చినట్లుగా ప్రచారం జరిగింది.

    ముఖ్యమంత్రి కిరణ్ కుమార్ రెడ్డి, ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణలు కూడా రేసులో ఉన్నారు. కిరణ్ తన ప్రభుత్వం 2014 వరకు ఉండేలా చూసుకుంటూనే ఆ తర్వాత కోసం ప్రయత్నాలు చేస్తున్నారు. మరోవైపు బొత్స కూడా అదే ప్రయత్నాల్లో ఉన్నారు. అయితే, వీరు ఎంతగా ప్రయత్నాలు చేసినా అధిష్టానం అండ ఉన్నవారే నాయక్ అవుతారు. 2014లో తానే సిఎం అభ్యర్థిగా చిరు ఇప్పటికే తన లాబీయింగ్ పూర్తి చేశారట!

    అధిష్టానం అండ ఉన్నప్పటికీ పలు ప్రశ్నలు కాంగ్రెసు వారిని తొలుస్తున్నాయి. తెలంగాణ, వైయస్ రాజశేఖర రెడ్డి సెంటిమెంట్ కారణంగా వచ్చే ఎన్నికల్లో కాంగ్రెసు గెలుపు ఎంత మేరకు సాధ్యమని ప్రశ్నించుకుంటున్నారట. తెలంగాణపై ఇప్పటికీ కాంగ్రెసు తేల్చనందున రెండు ప్రాంతాల్లోనూ నష్టం జరిగే అవకాశముందని అంటున్నారు. తెలంగాణలో తెరాస, సీమాంధ్రలో జగన్ హవా కొనసాగడం ఖాయమనే అభిప్రాయాల్ని వ్యక్తం చేస్తున్నారట.

    మరోవైపు చిరంజీవి కూడా కేంద్ర మంత్రి అయ్యాక రాష్ట్ర రాజకీయాల్లో కనిపించడం తగ్గిందంటున్నారు. అంతేకాకుండా తెలంగాణపై కేంద్రం తేల్చకుండా ఎన్నికలకు వెళ్తే.. చిరును సిఎం అభ్యర్థిగా ప్రకటిస్తే.. తెలంగాణ ప్రాంతంలో కాంగ్రెసుకు మరింత ఎదురుగాలి వీయడం ఖాయమంటున్నారు. చిరంజీవి తెలంగాణ వ్యతిరేకిగా ముద్రపడిన కారణంగా మిగిలిన నేతల కంటే ప్రభావం పడుతుందంటున్నారు.

    చిరు వర్గం మంత్రి గంటా శ్రీనివాస రావు ఇటీవల సమైక్యాంధ్ర కోసం ఘాటైన వ్యాఖ్యలు చేశారు. దీంతో ఆయన వెనుక చిరంజీవి ఉన్నారా? అనే అనుమానాలు తలెత్తుతున్నాయి. సెంటిమెంట్ కారణంగా కాంగ్రెస్ గెలుపుపై అనుమానాలు, గెలిచినా పోటీలో అనుభవజ్ఞులు ఉండటం, తెలంగాణను తేల్చకుండా చిరును సిఎంగా ప్రకటిస్తే ఆ ప్రాంత ప్రజలు ఆమోదిస్తారా? ఇలా కాంగ్రెసులోని చిరు వర్గాన్ని ఆందోళనకు గురి చేస్తున్నాయట.

    English summary
    Central Minister Chiranjeevi's camp Congress leaders are in dilemma on 2014 general elections.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more