శేఖర్ కమ్ముల, విమలా రామన్ చేతుల మీదగా రాధా వల్లూరి "ఆర్ట్ లైఫ్ 55"(ఫోటోలు)

By Nageswara Rao

Published: Monday, December 22, 2014, 15:08 [IST]

హైదరాబాద్: ప్రవాస భారతీయురాలు వల్లూరి రాధా రావు చేతుల మీదుగా జాలువారిన చిత్రాల ప్రదర్శన "ఆర్ట్ లైఫ్ @ 55" హైదరాబాదీలను ఎంతగానో ఆకట్టుకుంది. సికింద్రాబాద్ లోని హోటల్ మారియట్ లోని మ్యుస్ ఆర్ట్ గ్యాలరీలో ఈ ప్రదర్శనను ప్రముఖ దర్శకుడు శేఖర్ కమ్ముల, నటుడు జె డి చక్రవర్తి, నటి విమలా రామన్‌లు ప్రారంభించారు.

ఈ ప్రదర్శన ఈనెల 28 వరకూ కొనసాగనుంది. దక్షిణాది నటి సమంతా చేతుల మీదుగా ప్రారంభమై, పేదలకు, చిన్నారులకు, మహిళలకు వైద్య సదుపాయాలూ కల్పిస్తున్న ప్రత్యూష ఫౌండేషన్‌కు నిధులను అందించే నిమిత్తం ఈ ప్రదర్శన ఏర్పాటు చేసినట్టు నిర్వాహకులు తెలిపారు.

రాధా రావు చిత్రికరీంచిన ఈ పెయింటింగ్స్‌లో ఇటు భారతీయత, అటు పాశ్చాత్య ధోరణులు కనిపిస్తుంటాయి. చిత్రకళలో ఎంతో నైపుణ్యాన్ని ప్రదర్శిస్తూ ఆమె చిత్రించిన చిత్రాలు ఎంతో అద్భుతమని వీక్షకులు అభినందించారు. చిత్రీకరణ కోసం ఆమె ఎంచుకున్న వివిధ సందర్భాలు వినూత్నంగా ఉంటూ, అందరినీ ఆకట్టుకునేలా ఉన్నాయి.

ఈ ప్రదర్శనకు పెసరట్టు మూవీ నటీ నటులు నందు, నికితా నారాయణ్, చిత్ర నిర్మాత సంగీత్ రెడ్డి, గేయ రచయితా సిరా శ్రీ, గాయకుడు, సంగీత దర్శకుడు రఘు కుంచె తదితర ప్రముఖులతో పాటు చిత్రకళా ప్రేమికులు హాజరయ్యారు.

ఈ సందర్భంగా రాధ వల్లూరి, మ్యూస్ ఆర్ట్ గ్యాలరీ క్యూరేటార్ సుదీర్‌లు ప్రత్యూష ఫౌండేషన్‌కు 25 వేల రూపాయల చెక్కును శేఖర్ కమ్ముల చేతుల మీదుగా అందించారు.

రాధా వల్లూరి "ఆర్ట్ లైఫ్ @55"ని సందర్శించిన ప్రముఖులు

సికింద్రాబాద్ లోని హోటల్ మారియట్ లోని మ్యుస్ ఆర్ట్ గ్యాలరీలో రాధా వల్లూరి "ఆర్ట్ లైఫ్ @55"ని సందర్శించిన ప్రముఖ దర్శకుడు శేఖర్ కమ్ముల.

రాధా వల్లూరి "ఆర్ట్ లైఫ్ @55"ని సందర్శించిన ప్రముఖులు

సికింద్రాబాద్ లోని హోటల్ మారియట్ లోని మ్యుస్ ఆర్ట్ గ్యాలరీలో రాధా వల్లూరి "ఆర్ట్ లైఫ్ @55"ని సందర్శించిన హీరోయిన్ విమలా రామన్.

రాధా వల్లూరి "ఆర్ట్ లైఫ్ @55"ని సందర్శించిన ప్రముఖులు

సికింద్రాబాద్ లోని హోటల్ మారియట్ లోని మ్యుస్ ఆర్ట్ గ్యాలరీలో రాధా వల్లూరి "ఆర్ట్ లైఫ్ @55"ని జ్యోతి ప్రజ్వలన చేసి ప్రారంభిస్తున్న హీరోయిన్ విమలా రామన్... చిత్రంలో హీరో నందు తదితరులు.