వణికిస్తోన్న 'మిస్టరీ సౌండ్స్': నాసాకే అంతుచిక్కని వైనం.. ఏంటీ వింత!..

న్యూయార్క్: అమెరికా అంతరిక్ష పరిశోధనా సంస్థ నాసాకు కొన్ని వింత శబ్దాలు అంతుచిక్కని విధంగా మారాయి. గత కొన్నాళ్లుగా అంతరిక్షం నుంచి వెలువడుతున్న ఆ శబ్దాలు నాసా శాస్త్రవేత్తలతో పాటు ప్రజలను కూడా భయపెడుతున్నాయి.

64ప్రాంతాల్లో:

భూగోళం మీద ఇప్పటికే 64ప్రాంతాల్లో ఈ వింత శబ్దాలు రికార్డు అయినట్టుగా నాసా అధికారులు గుర్తించారు. అయితే ఆ శబ్దాలు ఏంటనేవి మాత్రం కచ్చితంగా చెప్పలేకపోతున్నారు. ఆస్ట్రేలియాలోని మిడిల్ ఈస్ట్ నుంచి ఈస్ట్ మిడ్ లాండ్స్ వరకు ఈ మిస్టరీ శబ్దాల ప్రభావం ఎక్కువగా ఉన్నట్టు తెలుస్తోంది. అక్కడి ప్రజలు ఈ శబ్దాలకు బెంబేలెత్తిపోతున్నారు.

బామా బూమ్:

ఆస్ట్రేలియా, అమెరికాల్లో రికార్డయిన మిస్టరీ శబ్దాలను నాసా ధ్రువీకరించినట్టు తెలుస్తోంది. అమెరికా తూర్పు తీరంలో ఎక్కువమంది ఈ శబ్దాలను విన్నట్టు చెబుతున్నారు. తాజాగా అమెరికాలోని అలబామా వాసులను కూడా ఈ వింత శబ్దాలు భయపెట్టాయి. శబ్దాలకు వణికిపోతున్న ప్రజలు.. వీటిని 'బామా బూమ్' అని పిలుస్తున్నారు.

ఏంటా సౌండ్స్?:

అలబామాలో అక్టోబర్ 10న ఓ పెద్ద శబ్దం వినిపించింది. అయితే స్థానికులంతా అది ఎఫ్‌ఏ-18 హార్నట్‌ విమానం నుంచి వెలువడిన శబ్దంగా భావించారు. రెండు వారాల తర్వాత దక్షిణ ఆస్ట్రేలియాలోని ఐర్ ద్వీపకల్పంలో అలాంటి శబ్దమే వినిపించింది.

నీలిరంగు ఉల్క:

ఐర్ ద్వీపకల్పంలో ఆ శబ్దం వినిపించిన సమయంలో ఆకాశంలో ఒక నీలిరంగు ఉల్క కనిపించింది. దీంతో సూపర్‌సోనిక్‌ విమానాల వల్ల ఆ శబ్దాలు వెలువడి ఉంటాయని చాలామంది భావించారు.

ఈ మిస్టరీ శబ్దాల గురించి అలబామా ప్రజలు ట్విట్టర్ లో తమ భయాన్ని వెలిబుచ్చారు. భూకంపం వచ్చిందా? అన్నట్టుగా ఆ శబ్దాలు సంభవించాయన్నారు. ప్రస్తుతం ఈ మిస్టరీ శబ్దాలను చేధించేందుకు నాసా శాస్త్రవేత్తలు ప్రయత్నాలు సాగిస్తున్నారు.

English summary

Mysterious booming sounds have been recorded from different places across the globe leaving people as well as experts baffled, the media reported.