పిక్చర్స్: మధుప్రియ ఎందుకు ఎలా చేసింది?

By Pratap

Published: Saturday, October 31, 2015, 11:04 [IST]

ఆదిలాబాద్: తన తల్లిదండ్రులను ఎదిరించి గాయని మధుప్రియ తాను ప్రేమించిన యువకుడు శ్రీకాంత్‌ను ఎందుకు పెళ్లి చేసుకుందనేది చర్చనీయాంశంగానూ, ఆసక్తికరంగానూ మారింది. తాను సెలిబ్రిటీని అయి ఉండి కూడా ఇంట్లో సమస్యలను ఎదుర్కోవాల్సి వచ్చిందని ఆమె పెళ్లి తర్వాత అన్నది. అలాంటి పరిస్థితి ఎందుకు వచ్చిందనేది ప్రశ్నార్థరంగా మారింది.

అమ్మానాన్నలను ఒప్పించడానికి చాలా ప్రయత్నం చేశానని, ప్రయత్నం ఫలించకపోవడంతోతాను శ్రీకాంత్‌ను పెళ్లి చేసుకున్నానని అంటున్నారు. మధుప్రియ ఇలా ఎందుకు చేస్తోందని అందరూ రకరరకాలుగా ప్రచారం చేస్తున్నారని ఆమె ఆవేదన వ్యక్తం చేసింది.

ఏదైనా విషయం దొరికితే సోషల్ మీడియాలో బాగా ప్రచారం జరుగుతుందని ఆమె ఓ ప్రముఖ మీడియాకు ఇచ్చిన ఇంటర్వ్యూలో చెప్పింది. అమ్మాయిని బద్నాం చేసే ముందు ఒక్కసారి ఆమె ఎందుకిలా చేసిందనేది ఆలోచించాలని ఆమె సూచిస్తోంది.

నేను చేసింది తప్పు కాదు..

తాను చేసింది తప్పు కాదని, అమ్మానాన్నలను చాలా వేడుకున్నానని, అంతకు మించి అడగలేనంతగా అడిగానని మధుప్రియ చెబుతోంది.

ద్రోహం చేయలేదు..

తాను అమ్మానాన్నలను మోసం చేయలేదు, వారికి ద్రోహం చేయలేదని మధుప్రియ చెబుతోంది. శ్రీకాంత్‌తో తనకు రెండేళ్ల పరిచయమని, ఈ విషయం తల్లిదండ్రులకు ముందే చెప్పానని మధుప్రియ అంటోంది.