Tamil Nadu: మీరెట్లా ఓడిపోయారయ్యా..! కొలత్తూర్ లో ఎమోషనల్ సీన్స్..!

తమిళనాడు అసెంబ్లీ ఎన్నికల ఫలితాలు దేశవ్యాప్తంగా చర్చనీయాంశంగా మారిన వేళ.. డీఎంకే కూటమిని విజయపథాన నడపడంలో విఫలమైన మాజీ సీఎం ఎంకే స్టాలిన్ (MK Stalin) కీలక నిర్ణయం తీసుకున్నారు. ఓడినా తమకు ఓటేసిన జనాన్ని కలిసేందుకు 24 గంటల్లోనే నియోజకవర్గాలకు వెళ్లాలని నిర్ణయించారు. ఈ మేరకు గెలిచిన ఎమ్మెల్యేలకు ఆదేశాలు ఇచ్చిన స్టాలిన్.. తాను ఓడిన కొలత్తూర్ నియోజకవర్గానికి వెళ్లారు. వరుసగా మూడుసార్లు ఇక్కడి నుంచి గెలిచిన కొలత్తూర్ లో ఈసారి టీవీకే అభ్యర్ధి వీఎస్ బాబు చేతిలో ఓటమి పాలైనా స్టాలిన్.. తనకు ఓటేసిన వారికి కృతజ్ఞతలు తెలిపారు.

ఈ సందర్భంగా కొలత్తూరు పర్యటనలో స్టాలిన్ ను చూసి డీఎంకే కార్యకర్తలు కన్నీరు మున్నీరయ్యారు. స్టాలిన్ ఓటమి జీర్ణించుకోలేక మహిళలు (women) ఏడ్చేశారు. ఈ ఫొటోల్ని స్టాలిన్ స్వయంగా ట్వీట్ చేశారు. తనకూ, కొలత్తూరుకు మధ్య ఉన్న బంధం ఎన్నికల గెలుపు ఓటములకు అతీతమైనదని ఆయన తెలిపారు. గత 15 సంవత్సరాలుగా తనకు మద్దతు ఇస్తున్నది కొలత్తూరు నియోజకవర్గ ప్రజలేనన్నారు. 10 సంవత్సరాలు ప్రతిపక్షంలో, 5 సంవత్సరాలు అధికార పక్షంలో తాను కొలత్తూరుకు సాధ్యమైన అన్ని పథకాలను తీసుకువచ్చి అమలు చేశానని గుర్తుచేసుకున్నారు.

கொளத்தூருக்கும் எனக்குமான உறவு தேர்தல் வெற்றி, தோல்விகளைக் கடந்த உறவு.

15 ஆண்டுகாலம் எனக்கு ஆதரவு நல்கியவர்கள் கொளத்தூர் தொகுதி மக்கள். அதில், 10 ஆண்டுகள் எதிர்க்கட்சி வரிசையில் இருந்தும், 5 ஆண்டுகள் ஆளும்கட்சியாகவும் என்னால் இயன்ற அனைத்துத் திட்டங்களையும் கொளத்தூருக்குக் கொண்டு… pic.twitter.com/xtXB8p6ChR

— M.K.Stalin - தமிழ்நாட்டை தலைகுனிய விடமாட்டேன் (@mkstalin) May 5, 2026

తమిళనాడులోనే దీనిని ఒక ఆదర్శ నియోజకవర్గంగా తీర్చిదిద్దేందుకు అన్ని మౌలిక సదుపాయాలను కల్పించి, ప్రతి డిమాండ్‌ను నెరవేర్చినందుకు గర్విస్తూ, ఈ రోజు తన కొలత్తూరు నియోజకవర్గ ప్రజలను స్వయంగా కలుసుకుని కృతజ్ఞతలు తెలియజేశానని స్టాలిన్ పేర్కొన్నారు. తాను ప్రతి వీధిలో తిరుగుతూ, అక్కడ తాను నిర్మించిన క్రీడా మైదానాలు, పార్కులు, ముఖ్యమంత్రి గ్రంథాలయాలు, గ్రంథాలయాలు, వివాహ మందిరాలు, బస్ స్టాండ్‌లు, ఆసుపత్రులు, పాఠశాలలు, కళాశాలలు వంటి వాటిని చూస్తుంటే, తన కర్తవ్యాన్ని సక్రమంగా నెరవేర్చాననే ప్రగాఢమైన సంతృప్తి కలిగిందన్నారు. తన కృతజ్ఞతను స్వీకరించిన కొలత్తూరు ప్రజల కోసం తాను ఉప్పొంగే భావోద్వేగాలతో ఎల్లప్పుడూ చిత్తశుద్ధితో పనిచేస్తానని, ఎల్లప్పుడూ మీతోనే ఉంటానని వారికి స్టాలిన్ తెలిపారు.