బాలకృష్ణ - నాగార్జున కలిసి నటించిన ఏకైక సినిమా
బాలకృష్ణ, నాగార్జున... తెలుగు చలనచిత్ర పరిశ్రమలో సీనియర్ స్టార్ హీరోలుగా వెలుగుందుతున్న ఈ ఇద్దరి మధ్య ఏదో తెలియని 'గ్యాప్' ఉందనే ప్రచారం చాలా ఏళ్లుగా సాగుతోంది. ఒకే వేదికపై వీరు కనిపించడం చాలా అరుదు. సాధారణంగా బాలయ్య తన సహచర నటులైన చిరంజీవి, వెంకటేష్లతో ఎంతో సరదాగా గడుపుతూ కనిపిస్తుంటారు, కానీ నాగార్జున విషయంలో ఆ చొరవ కనిపించకపోవడం వల్ల వీరి మధ్య విభేదాలు ఉన్నాయనే వార్తలకు బలం చేకూరుతోంది.
అయితే, అక్కినేని నాగేశ్వరరావు పట్ల బాలకృష్ణకు ఎంతో గౌరవంతో పాటు ప్రత్యేకమైన అభిమానం ఉంది. ఏఎన్నార్ను సొంత చిన్నాన్నగా భావించే బాలయ్య, నాగార్జునతో కలిసి ఒక పూర్తిస్థాయి మల్టీస్టారర్ సినిమా చేయాలని గతంలో అనుకున్నారట. కమ్యూనికేషన్ సరిగ్గా ఉన్న రోజుల్లో ప్రణాళికలు వేసినప్పటికీ, వివిధ కారణాల వల్ల అది పట్టాలెక్కలేదు.
త్రిమూర్తులు చిత్రంలో నటించారు
కానీ, కొన్నేళ్ల క్రితం వీరిద్దరూ ఒకే తెరపై ప్రత్యక్షమై అభిమానులకు సర్ ప్రైజ్ ఇచ్చారనే విషయం కొద్దిమందికే తెలుసు! విక్టరీ వెంకటేష్, అర్జున్, రాజేంద్రప్రసాద్ హీరోలుగా 1987లో తెరకెక్కిన 'త్రిమూర్తులు' చిత్రంలో ఈ అరుదైన ఘట్టం ఆవిష్కృతమైంది. దర్శకుడు కె. మురళీమోహనరావు రూపొందించిన ఈ సినిమాలో ఒక ప్రత్యేకమైన పాట లేదా సన్నివేశం కోసం టాలీవుడ్లోని అప్పటి అగ్ర నటీనటులందరినీ ఒకే ఫ్రేమ్లోకి తీసుకొచ్చారు. అలా బాలకృష్ణ, నాగార్జునతో పాటు చిరంజీవి, కృష్ణ, కృష్ణంరాజు, శోభన్బాబు వంటి మహానటులు, విజయశాంతి, రాధ, భానుప్రియ, రాధిక వంటి భామలంతా ఆ సన్నివేశంలో అతిథి పాత్రల్లో మెరిశారు.
37 ఏళ్ల తీపి గుర్తు
చిరంజీవి, బాలకృష్ణ, నాగార్జున, వెంకటేష్... ఈ నలుగురు అగ్ర కథానాయకులు ఒకే ఫ్రేమ్లో కనిపించడంతో నాడు అభిమానుల ఆనందానికి హద్దుల్లేకుండా పోయాయి. ఇండస్ట్రీలో సగానికి పైగా తారలు స్క్రీన్ పంచుకున్నప్పటికీ, ఆ దురదృష్టవశాత్తూ 'త్రిమూర్తులు' బాక్సాఫీస్ వద్ద విజయం సాధించలేకపోయింది.నేడు అనేక ఊహాగానాలు, గ్యాప్ల మధ్య వార్తల్లో నిలిచే బాలయ్య, నాగార్జున... సుమారు 37 ఏళ్ల క్రితమే ఒకే సినిమాలో పక్కపక్కనే కనిపించి అలరించడం టాలీవుడ్ చరిత్రలో ఒక అరుదైన తీపి గుర్తు.
Click it and Unblock the Notifications
Sign in with Google